Lee Yoo Mi បានចូលរួមជាភ្ញៀវកិត្តិយសក្នុងកម្មវិធី «Yu Hui Yeol’s Sketchbook» របស់ស្ថានីយទូរទស្សន៍ KBS ជាមួយនឹងដៃគូ Chan-Young Yoon ដែលសម្ដែងរឿង «All of Us Are Dead» ជាមួយគ្នា ដោយក្នុងពេលនោះ Lee Yo Mi បានទម្លាយអាថ៌កំបាំងស្ដីពីជីវិតរបស់ខ្លួន។
នៅក្នុងពេលផ្ដល់សម្ភាសន៍នោះ Lee Yoo Mi បានលើកឡើងថាមុនពេលសម្ដែងរឿងភាគល្បីទាំងពីររឿងគឺ «Squid Game» និង «All of Us Are Dead» កញ្ញាមានអ្នក Follower លើ Instagram តែ៤ម៉ឺន Account ប៉ុណ្ណោះ ប៉ុន្តែក្រោយរឿងបញ្ចាំងកញ្ញាទទួលបានការស្រលាញ់ចូលចិត្តពីអ្នកទស្សនាពីគ្រប់ទិសទី រហូតធ្វើឱ្យមានអ្នក Follower កើនឡើងរហូតដល់ ៨លានគណនីហើយគិតមកដល់បច្ចុប្បន្ននេះ។
ពិធីករ Yu Hui Yeol បានផ្ដល់នូវការចាប់អារម្មណ៍ច្រើនចំពោះជីវិតនាពេលកន្លងមករបស់ Lee Yoo Mi គឺនៅមុនពេលដែលកញ្ញាមានការងារសម្ដែងកញ្ញាធ្វើការងារក្រៅម៉ោងច្រើន ដោយក្នុងនោះ Lee Yoo Mi បានឆ្លើយប្រាប់ថា៖ «ខ្ញុំធ្លាប់ធ្វើការងារក្រៅម៉ោងឱ្យ App ដឹកជញ្ជូនអាហារ ដែលជា App មួយដែលគ្រប់គ្នាអាចចុះឈ្មោះបាន ហើយក៏អាចជញ្ជូនអាហារឱ្យភ្ញៀវដោយថ្មើជើង ខ្ញុំបានប្រើពេលវេលាទំនេរមុនពេលរឿង Squid Game បញ្ចាំងធ្វើការងារនេះ»
កាលណោះខ្ញុំនៅម្ដុំ Yoksam ដូច្នេះខ្ញុំទទួលបានប្រាក់ឧបត្ថម្ភកាន់តែច្រើនដោយសារតែម៉ោងកកស្ទះគឺចាប់តាំងពីម៉ោង២ រហូតដល់ម៉ោង៥ល្ងាច ហើយខ្ញុំបានទទួលសារច្រើនខ្លាំងណាស់ដូចជា «តើអ្នកនឹងសំរាកការងារនៅក្នុងម៉ោងកកស្ទះនេះមែនទេ? ហេតុផលនេះហើយដែលធ្វើឱ្យខ្ញុំមានអារម្មណ៍ថាខ្ញុំចង់ធ្វើការងារនេះ»
បើធ្វើការងារនេះនៅពេលដែលមនុស្សកំពុងរវល់និងស្ទះខ្លាំងតម្លៃអាចកើនឡើងរហូតដល់ ១២០០០វ៉ុន គឺបានន័យថារកប្រាក់គ្រាន់បើ រហូតមកដល់ពេលនេះខ្ញុំមិនទាន់លុប App នេះនៅឡើយទេ។
នៅពេលបានស្ដាប់ដូច្នេះ Yu Hui Yeol បានសួរទៅ Lee Yoo Mi ទៀតថានារីវ័យក្មេងរូបនេះច្បាស់ជាស្គាល់ផ្លូវច្បាស់ទើបអាចធ្វើការអារជាដឹកអាហារបានមែនទេ? សំនួរនេះ Lee Yoo Mi បានឆ្លើយតបថា «មិនមែននោះទេ ខ្ញុំជាមនុស្សម្នាក់ដែលមិនសូវស្គាល់ផ្លូវនោះទេ ប៉ុន្តែអ្វីដែលគួរឱ្យចាប់អារម្មណ៍នោះគឺ នៅពេលដែលយើងបានលុយហើយ យើងច្បាស់ជាអាចផ្លូវឃើញ ខ្ញុំគិតថារឿងផ្លូវខ្ញុំមិនអន់ពេកទេក្រោយពីបានធ្វើការងារនោះ»