នៅថ្ងៃទី១០ ខែមីនា ឆ្នាំ២០២២ តារាចម្រៀងល្បីប្រចាំផលិតកម្ម Galaxy Navatra កញ្ញា តន់ ចន្ទសីម៉ា បានចេញមកទម្លាយរឿងរ៉ាវផ្ទាល់ខ្លួនមួយ ដែលសឹងតែមិនគួរឱ្យជឿ បើសិនជាសាមីខ្លួនមិនចេញមកនិយាយដោយខ្លួនឯងទេនោះ។
កញ្ញា តន់ ចន្ទសីម៉ា តារាចម្រៀងដ៏លេចធ្លោនិងនាំមុខគេមួយរូបបានបង្ហោះសារលើបណ្ដាញសង្គមរៀបរាប់ពីអតីតកាលរបស់ខ្លួន ពោលគឺរឿងពីកុមារភាព។ កាលពីក្មេង កញ្ញាធ្លាប់ជាមនុស្សម្នាក់មានរូបរាងម៉ាប់ (ធាត់) រហូតជាប់ឈ្មោះកាម៉ាប់ថែមទៀតផង ប៉ុន្តែបច្ចុប្បន្ននេះមិនដូចមុនទៀតឡើយ ហើយថែមទាំងផ្ទេរឈ្មោះនេះទៅឱ្យបងស្រី ទីពីរនិងប្អូនស្រីពៅរបស់ខ្លួនវិញ។
រូបភាពនេះកញ្ញាបានដកស្រង់ចេញពីពិធីភ្ជាប់ពាក្យរបស់បងប្អូនដែលបានរៀបចំឡើងតាំងពីថ្ងៃទី៥ ខែមីនា ឆ្នាំ២០២២ ប៉ុន្តែទើបតែយកមកបង្ហោះចែកចាយលើបណ្ដាញសង្គមប៉ុណ្ណោះ។
«កាលពីក្មេងម៉ាប់ជាងគេ ពីក្មេងឈ្មោះហៅក្រៅ កាម៉ាប់ ពេលនេះឈ្មោះ កាម៉ាប់ សុំផ្ទេរហើយទៅអោយ កូនទី2 និងកូនពៅខ្ញុំកូនទី3 គឺស្គមវិញហើយបងប្អូន»
នៅខាងក្រោមផុសរបស់ម្ចាស់បទ «Are You Ok?» រូបនេះមានហ្វេនៗជាច្រើនបានចូលមកនិយាយលេងសើចនិងសរសើរថាកញ្ញាបច្ចុប្បន្នមានរូបរាងស្គមស្អាតនិងសមសួនថែមទៀតផង។
ប៉ុន្តែជារឿងមួយគួរឱ្យស្ដាយដែរ ដែលតារាចម្រៀងវ័យក្មេងជាកូនទី៣រូបនេះ គ្រាន់តែបង្ហោះរូបបច្ចុប្បន្នមិនបានទម្លាយរូបភាពពីកុមារឱ្យប្រិយមិត្តអ្នកគាំទ្របានឃើញនោះឡើយ។
ប្រភព៖ Facebook Ton ChanSeyma តន់ ចន្ទសីម៉ា