ជាការពិតណាស់ តារាកំប្លែងនិងពិធីករល្បីឈ្មោះអ្នកនាង ផេនខេក បានរៀបអាពាហ៍ពិពាហ៍កាលពីថ្ងៃទី៩ ខែមីនា ឆ្នាំ២០២២ កន្លងនេះ ប៉ុន្តែនៅថ្ងៃនេះស្រាប់តែតារារូបនេះបានចេញមកសុំទោសភ្ញៀវកិត្តិយសដែលបានចូលរួមក្នុងកម្មវិធីខ្លួនទៅវិញ។
សូមចុចអាន – ផេនខេក ប្រាថ្នាចង់បានកូនជាមួយស្វាមី ក៏ប៉ុន្ដែត្រូវរង់ចាំពេលវេលាល្អសិន
អ្នកនាង ផេនខេក នៅថ្ងៃទី១១ ខែមីនា ឆ្នាំ២០២២ បានចេញមកប្រកាសនៅលើផេកផ្ទាល់ខ្លួនរបស់អ្នកនាង ដែលមានខ្លឹមសារសុំទោសចំពោះភ្ញៀវកិត្តិយសដែលបានចំណាយពេលវេលាមានតម្លៃដើម្បីទៅចូលរួមក្នុងកម្មវិធីអាពាហ៍ពិពាហ៍របស់ខ្លួន ដោយហេតុថាកន្លែងរៀបចំពិធីអ្នកនាង មិនមានសេវាអ៊ិនធឺណិត ធ្វើឱ្យរាំងស្ទះដល់ភ្ញៀវដែលចង់ចងដៃការអ្នកនាង មិនអាចផ្ទេរប្រាក់ពីគណនីរបស់គេចូលទៅកាន់គណនីរបស់អ្នកនាង។
«នាងខ្ញុំផេនខេត សូមអធ្យាស្រ័យដល់ភ្ញៀវកិត្តិយសទាំងអស់គ្នាដែលគាត់អញ្ជើញចូលរួមពិធីមង្គលការរបស់នាងខ្ញុំកាលពីថ្ងៃទី09 ខែមីនា ឆ្នាំ2022 ដោយសារតែកន្លែងដែលនាងខ្ញុំរៀបអាពាហ៍ពិពាហ៍ គឺគ្មានសេវាទាល់តែសោះ ដូច្នេះភ្ញៀវកិត្តិយសដែលបានសុំABAពីនាងខ្ញុំ ប៉ុន្តែគាត់បាញ់មិនកើតព្រោះគ្មានសេវា អញ្ចឹងគាត់អាចផ្ញើមកABAនេះបានABA : 000757750 ( Vann SamNang) សូមខន្តីអភ័យទោសយ៉ាងខ្លាំង ដោយសារតែកន្លែងដែលប្រារព្ធពិធីគឺគ្មានសេវាអុីនធើណេតពិតមែន ទាំងអស់គ្នា »
ការប្រកាសសុំទោសរបស់អ្នកនាងត្រូវបានហ្វេនខ្លះលើកឡើងថាជាយុទ្ធសាស្ត្រទារចំណងដៃ បែបឈាមត្រជាក់ អ្នកណាមិនទាន់បានចងដៃសូមឱ្យប្រញាប់ចងដៃ។ល។