កីឡាករម្នាក់​នៅ​លីគទី៣​​ថៃ ត្រូវ​​ក្លិប​បញ្ចប់កិច្ចសន្យាភ្លាមៗ ក្រោយ​​វាយគូប្រកួតដេរ២៤ថ្នេរ(វីដេអូ)

យោងតាមការបញ្ជាក់របស់ក្លិបបាល់ទាត់ Bangkok FC សមាជិកលីគលំដាប់ទី៣ របស់ប្រទេសថៃ បានឲ្យដឹងថាកីឡាករ Aitsaret Noichaiboon ត្រូវបានភាគីខាងក្លិបសម្រេចបញ្ចប់កិច្ចសន្យាមុនពេលកំណត់ ក្រោយវាយកែងចំផ្ទៃមុខរបស់កីឡាករ Supasan Ruangsuphanimit នៅនាទី៩០+៤ បណ្តាលឲ្យរបួសដេរ២៤ថ្នេរ។

សម្រាប់ការប្រកួតនេះគឺក្រុមបាល់ទាត់ North Bangkok University FC បានយកឈ្នះ Bangkok FC ក្នុងលទ្ធផល ៣-០ នៃពានរង្វាន់លីគទី៣ (Thai League 3)។

ខាងក្រោមនេះគឺជាវីដេអូហាយឡាយពីការប្រកួតទាំងស្រុង (ត្រង់ចំណុចកីឡាករ Aitsaret វាយកែងចំផ្ទៃមុខកីឡាករ Supasan នៅនាទី៤.៣៩)៖