ការប្រកួតនៅក្នុងក្របខណ្ឌ Ligue 1 លីគកំពូលរបស់ប្រទេសបារាំង ដែលក្រុមបាល់ទាត់ PSG បានយកឈ្នះលើក្រុម Bordeaux ដោយលទ្ធផល ៣-០ នៅកីឡដ្ឋាន Parc des Princes ខណ:ខ្សែប្រយុទ្ធ Lionel Messi និង Neymar ត្រូវបានអ្នកគាំទ្រក្រុម PSG ស្រែកជេរប្រមាថពេលប៉ះបាល់ម្តងៗ។
ហេតុការណ៍នេះកើតឡើងក្រោយក្លិប PSG បានធ្លាក់ចេញពីប្រកួត UEFA Champions League ត្រឹមវគ្គ១៦ក្រុម ក្រោមថ្វីជើងអធិរាជស Real Madrid ក្នុងលទ្ធផលសរុបទាំង២ជើង ៣-២ កាលពីថ្ងៃទី១០ ខែមីនា ឆ្នាំ២០២២កន្លងទៅនេះ។
អំឡុងការប្រកួតគេសង្កេតឃើញថាប្រពន្ធរបស់ Messi គឺអ្នកនាង Antonella Roccuzzo ក៏បានអញ្ជើញចូលរួមទស្សនាផងដែរ ប៉ុន្តែមិនអាចជួយអ្វីបានឡើយ ពោលគឺបានត្រឹមតែឈឺចាប់ និងស្រក់ទឹកភ្នែក ក្រោយអ្នកគាំទ្រ PSG ធ្វើទង្វើបែបនេះដាក់ប្តីរបស់់ខ្លួន៕