ថៃ – តារាសម្ដែង-ពិធីករថៃលោក Koh Tee ឆ្នាំនេះរាសីស្រុតចុះ ជួបឧប្បត្តិហេតុស្ទើរាល់ថ្ងៃ ឈឺខ្លួនរហូត ពេលនេះសាមីខ្លួនដែលធ្លាប់ជាមនុស្សមិនសូវជឿលើរឿងរាសី បានប្រញាប់គិតគូរទៅរំដោះគ្រោះនិងកាត់ឆុង។
តារាកំប្លែងល្បីដែលអ្នកគាំទ្រស្គាល់ថានាង ផេនខេក ក្នុងភាពយន្តរឿង «ខ្មោចត្រឡោកបែក» ឆ្នាំនេះមានវ័យ៤២ឆ្នាំ ជាឆ្នាំដែលឆុងបំផុត ឈឺខ្លួនគ្មានសឹងរាល់ថ្ងៃ ដោយម្ចាស់ខ្លួនបាននិយាយពីបញ្ហានេះនៅក្នុងខណៈកំពុងតែធ្វើពិធីក្រុងពាលីរឿងភាគថ្មីរបស់ទូរទស្សន៍ CH8។
តារារូបនេះចាប់តាំងពីដើមឆ្នាំមកគឺជួបតែរឿងស៊យរហូតមិនថាកន្ត្រៃគៀបដៃ អាលែកហ្ស៊ីនឹងសត្វខ្ទួយ ពុលពងអង្ក្រង ហើយថ្មីៗនេះគឺក្បាលទៅបុកនឹងឡាំងសឹងកំពុងតែក្ដៅ រហូតរលាកកើតជាពងបែក ទោះជាពេលនេះជាហើយក៏នៅសល់សន្លាកបន្តិចបន្តួចដែរ។
អ្នកកំប្លែងឈានមុខគេមួយរូបរបស់ថៃបានទទួលស្គាល់ថា ឆ្នាំនេះមិនដឹងជាកើតស្អីទេ ឆ្នាំមុនធ្វើដូចគ្នាតែហេតុអីក៏ឃើញកើតអី លោកនិយាយទៀតថាលោកអាចនឹងមិនប្រយ័ត្នក៏ថាបាន លោកបាននិយាយដែរថាឆ្នាំនេះលោកអាយុ៤២ឆ្នាំ ឆ្នាំវក ពេលនោះអ្នកកាសែតបាននិយាយថាឆ្នាំវក ឆុង១០០ភាគរយ គ្រាន់តែឮភ្លាមលោកបានស្រែកដោយភ្លាត់សំឡេង ទើបតែដឹង ត្រូវតែទៅកាត់ឆុងហើយ។
លោក Koh Tee បាននិយាយទៀតថាកាលដែលលោកមិនដឹងថាឆុងឆ្នាំឬអត់ ព្រោះលោកមិនដែលមើលរាសី ធម្មតាលោកមិនសូវចាប់អារម្មណ៍រឿងរាសីនោះទេ លោកជាមនុស្សប្រភេទជឿលើខ្លួនឯង ជីវិតយើង យើងគឺជាអ្នកកំណត់។ ពេលកើតឧប្បត្តិហេតុ សុំតែយើងកុំប្រមាទ ប្រាកដជាមិនកើតរឿងអ្វីទេមែនទេ? ប៉ុន្តែលើកនេះមានគិតថាមិនបានប្រមាទទេ ប្រើប្រាស់ជីវិតដូចរាល់ៗឆ្នាំ តែឆ្នាំនេះតាំងពីដើមឆ្នាំមកគឺ ឈឺខ្លួនរហូតមក។
តារារូបនេះបានទទួលស្គាល់ថាលោកមិនសូវជឿ មិនសូវមើលរាសី ព្រោះឱ្យតែមើលដឹងតែមិនសប្បាយចិត្ត ប៉ុន្តែពេលខ្លះមានគេមកប្រាប់យើងក៏រឹងរូសមិនសូវជឿ ព្រោះគិតថាឱ្យតែគិតល្អ និយាយល្អ ហើយធ្វើរឿងល្អៗ ប្រាកដជាមិនមានអ្វីកើតឡើងទេ ប៉ុន្តែពេលនេះរឿងខ្លះមិនជឿគ្រាន់តែស្ដាប់ក៏ម្យ៉ាងដែរ បានដំណឹងឆ្នាំវកឆុង១០០ភាគរយ នេះត្រូវកាត់ឆុងកំពុងរកកន្លែង ទៅធ្វើឱ្យកាន់តែច្រើនជាងមុន៕
សូមទស្សនាវីដេអូ Big News៖