ថៃ – រយៈពេលជាង៩ឆ្នាំហើយ ដែលរឿងភាគថៃ « สุภาพบุรุษจุฑาเทพ ឬ សុភាពបុរសត្រកូលជុថាថេប» បានបន្សល់ប្រវត្តិសាស្ត្របង្កើតបានតារាថ្មីប្រុសស្រី១០ដួងសម្រាប់រង្វង់សិល្បៈថៃ យ៉ាងណាមិញនៅឆ្នាំ២០២២នេះ ស្ថានីយទូរទស្សន៍ CH3 បានត្រៀមលើកយករឿងរ៉ាវតភ្ជាប់សាច់រឿងសន្យាផ្សារសាច់ផ្សារឈាមរវាងត្រកូលទេវព្រហ្ម និងជុថាថេប មិនទាន់បានសម្រេច ដោយរឿងនេះនឹងបង្កើតបានជារឿងរ៉ាវស្នេហាដ៏សែនរ៉ូមែនទិចម្ដងទៀតជាមួយនឹង Project «បេះដូងទេវព្រហ្ម»។
តើបុរសសង្ហានិងនារីស្រស់សោភាណាខ្លះនឹងមកសម្ដែងក្នុងរឿងទាំង៥ សម្រាប់ Big Project របស់ស្ថានីយទូរទស្សន៍មួយនេះ?
១.ลออจันทร์ (ល្អចន្ទ)
រឿងរ៉ាវស្នេហារវាងអ្នកអង្គម្ចាស់ ភូថៈណេត ជុថាថេប ឬលោកភូ បុត្រច្បងរបស់អ្នកអង្គម្ចាស់រ៉ាច់ឆានុន ជាមួយនឹងព្រះនាងម្ចាស់ សយហ្វា មានតួនាទីជាប្រធានគណៈកម្មាការគ្រប់គ្រងហាង JT Center។
២.ขวัญฤทัย (ខ្វាន់ឬទ័យ)
វេជ្ជបណ្ឌិតយោធា អ្នកអង្គម្ចាស់ ឆ័ត្រក្លៅ ជុថាថេប ឬលោកឆ័ត្រ ជាបុត្រច្បងរបស់អ្នកអង្គម្ចាស់ ភុតធិផាត់និង ក្រងកែវ ជាពេទ្យប្រចាំនៅមន្ទីរពេទ្យយោធាក្នុងខេត្តឈៀងរ៉ាយ
៣.ใจพิสุทธิ์ (ចៃភិសុទ្ធ)
អ្នកអង្គម្ចាស់រុណៈច័ក្រ ជុថាថេប ឬលោកច័ក្រ ជាបុត្រច្បងរបស់អ្នកអង្គម្ចាស់ រុណៈភី ជាមួយនឹងផៀងក្វាន់ បម្រើរាជការជាទាហានសេះការពារព្រះអង្គ
៤.ดุจอัปสร (ដូចទេពអប្សរ)
អ្នកអង្គម្ចាស់ អឌិសន ជុថាចេប ឬលោកពេជ្រ ជាបុត្រច្បងរបស់ អ្នកអង្គម្ចាស់ ថៈរ៉ាថន ជាមួយនឹងអ្នកអង្គម្ចាស់ រ៉វីរ៉ាំផៃ បម្រើរាជការជាទាហាន ប៉ុន្តែក្រោយមកចូលមកជួយការងារគ្រួសារវិញ
៥.พรชีวัน (ផនជីវីន)
អ្នកអង្គម្ចាស់ សៈរុទ្ធ ជុថាថេប ឬ លោក សៈរុទ្ធ ជាបុត្រទោលរបស់អ្នកអង្គម្ចាស់ ប៉ៈវ៉នរុទ្ធ ជាមួយនឹងអង្គម្ចាស់ វណ្ណរ៉ាក់សា មានតួនាទីជាលេខាទូត ប្រចាំស្ថានទូតថៃ នាក្រុងវ៉ាស៊ីនតោន សហរដ្ឋអាមេរិក ក្រោយមកបានផ្លាស់ទៅប្រចាំការនៅស្ថានទូតថៃនាទីក្រុងរ៉ូម ប្រទេសអ៊ីតាលីវិញ។
ក្រោយបានបង្ហាញវត្តមានតួឯកប្រុសស្រីទាំង៥ដួងនេះរួច ហ្វេនៗកំពុងតែអន្ទះសារចង់ដឹងទស្សនា Big Project នេះឆាប់ៗ៕
ប្រភព៖ Sanook
