ពិធីភ្ជាប់ពាក្យរបស់លោក ឌួង ឆាយ និងអនាគតភរិយាដែលមាននាម ហ៊ ម៉ីលិ បានបញ្ចប់ទៅដោយជោគជ័យ ក៏ប៉ុន្ដែអ្នកនាក់បណ្ដាញសង្គមនៅតែមិនអស់ចិត្តនៅឡើយទេថា នារីវ័យក្មេងដ៏ស្រស់សោភារូបនេះ មានអត្តសញ្ញាណពីណា ហើយរហូតដល់អ្នកខ្លះគេល្បីថា នាងគឺជាកូនអ្នកអភិជន។
ជាមួយគ្នានោះដែរ មានការលើកឡើងពីមន្ទិលអ្នកលេងបណ្ដាញសង្គមហ្វេសប៊ុកថា អនាគតភរិយារបស់លោក ឌួង ឆាយ ច្បាស់ជាកូនស្រីរបស់អ្នកមានមុខមាត់ហើយមើលទៅ បានជាអ្នកជំនួញប្រុសលំដាប់អភិជនរូបនេះ ហ៊ានភ្ជាប់សាច់ភ្ជាប់ឈាមនឹងគ្នា។ យ៉ាងណាមិញ គេមិនដឹងថា អ្នកទាំងពីរបានចំណាយពេលមើលចិត្តថ្លើមគ្នារយៈពេលប៉ុន្មានខែនោះទេ។ ក៏ប៉ុន្ដែលោក ឌួង ឆាយ បានលែងលះជាមួយភរិយាដាច់ស្រេច កាលពីអំឡុងចុងឆ្នាំ២០២០ ហើយលោកបានរក្សាខ្លួនឱ្យនៅទំនេរជាច្រើនឆ្នាំហើយដែរ។
ដោយឡែក គេឃើញមានអ្នកលេងបណ្ដាញសង្គមជាច្រើនបានទម្លាយពីអត្តសញ្ញាណកូនក្រមុំរបស់ ឌួង ឆាយ ស្រដៀងៗគ្នាថា «កូននឹងដូចលក់ប្លាទីននៅខាងតាកែវ ផ្សារចំបក់ កៀកសាលាស្រុកបាទី អភិជន មកពីណា», «ខ្ញុំធ្លាប់រៀនជាមួយគាត់ តែមើលទៅគាត់ធម្មតា គ្រាន់តែមាន», «គេកូនអ្នកមានផ្សារចំបក់», «គាត់អ្នកលក់គ្រឿងអលង្ការ»,និងមានខ្លះទៀតថា «លក់ប្លាទីននៅផ្សារចំបក់ ជិតផ្ទះខ្ញុំបង្កើយ»។
ទោះជាយ៉ាងណាក្ដី អ្នកគាំទ្រដែលស្រលាញ់និងចូលចិត្តលោក ឌួង ឆាយ ពិសេសចង់ឃើញលោកចាកចេញពីអតីតកាលដ៏សែនឈឺចាប់ហើយកសាងជីវិតថ្មី និងគ្រួសារថ្មីនោះ បានចូលមកអបអរសាទរនិងសម្ដែងក្ដីរំភើបរីករាយជាមួយនឹងអនាគតស្វាមីភរិយានាពេលអនាគតមួយគូនេះ ដោយជូនពរឱ្យអ្នកទាំងពីរស្រលាញ់គ្នាកាន់តែខ្លាំង មានសេចក្ដីសុខនិងសុភមង្គលក្នុងគ្រួសារ៕
