បទចម្រៀងថ្មីរបស់អ៊ីណូបទ «សុំសេរីភាពហ៊ាណូមកវិញ» ដែលបានបង្ហោះនៅលើឆាណែលក៏ដូចជា Facebook របស់ផលិតកម្ម Sunday កាលពីពេលថ្មីៗនេះ កំពុងតែទទួលបានការចាប់អារម្មណ៍ខ្លាំងពីសាធារណជន ពិសេសអ្នកលេងបណ្ដាញសង្គមហ្វេសប៊ុក ហើយបើមើលតាមរយៈខមមិនពីហ្វេនៗហាក់មានមតិដូចគ្នាថាអ៊ីណូក្នុងបទថ្មីនេះកាន់តែកាច។
សម្រាប់បទចម្រៀងថ្មីដែលទើបនឹងចេញរបស់តារាចម្រៀងនិងជាថៅកែការ៉ាស់ឡាន លោកអ៊ីណូ នេះអាចចាត់ទុកថាជាបទចម្រៀងមួយទទួលបានការនិយមគាំទ្រខ្លាំងគួរសមព្រោះបទចម្រៀងដែលទើបនឹងផុសបានចំនួន៣ថ្ងៃគិតចាប់ពីថ្ងៃទី២៥ ខែមីនា ឆ្នាំ២០២២ មកត្រឹមព្រឹកថ្ងៃទី២៨ ខែមីនា ឆ្នាំ២០២២នេះមានចំនួនទស្សនារហូតដល់ទៅ ២៥០K ដង និងមានគណនីចុចប៊ូតុង Like ជិត២០K ឯណោះ។
បើមើលតាមហ្វេសប៊ុករបស់ផលិតកម្មសាន់ដេ (Sunday) បទចម្រៀងថ្មីរបស់អ៊ីណូ ទទួលបាន Comment សរសើរច្រើនគួរឱ្យកត់សម្គាល់ដូចគ្នាដោយក្នុងនោះមាន ការលើកឡើងគួរឱ្យចាប់អារម្មណ៍ច្រើនដូចជា៖
«ទំនុកបទចម្រៀងសាច់ភ្លេងអន្ថន័យ ស៊ីគ្នាណាស់បង ពិរោះ», «ពិរោះណាស់អាយដល», «ដោះលែងហ៊ាណូទៅ ពិរោះតើហ៊ាណូ» , «បង អុីណូ កាច ជាង មុន សាហាវជាង មុន កាន់តែ ខ្លាំងជាងមុន»
ខណៈដែលមានមតិសរសើរច្រើនពីហ្វេន ប៉ុន្តែមតិរិះគន់ក៏នៅតែមានដូចគ្នាដែរ ដោយរឿងដែលតារារូបនេះត្រូវបានគេរិះគន់នោះគឺទៅលើរាងនិងមាឌ ពិសេសគឺត្រង់ក្បាលពោះធំតែម្ដង ដោយអ្នកលេងបណ្ដាញសង្គមខ្លះយល់ថាលោកបណ្ដោយខ្លួនពេក រហូតធ្វើឱ្យធាត់ដុះក្បាលពោះជាដើម។
ប្រភព៖ Sunday Production
