ជាការពិតណាស់ប្រិយមិត្តដែលជាអ្នកតាមដានសិល្បៈនិងតារាប្រាកដជាជ្រាបយ៉ាងច្បាស់ហើយថាបច្ចុប្បន្ននេះ តារាចម្រៀងល្បីលំដាប់ប្រទេស ខេមរៈ សិរីមន្ត បានទទួលងារជាឧកញ៉ា តាមរយៈព្រះរាជក្រឹត្យរបស់ព្រះករុណាជីវិតតម្កល់លើត្បូងកាលពីពេលថ្មីៗនេះ យ៉ាងណាមិញក្រោយមានងារជាលោកឧកញ៉ាហើយនោះ ថៅកែដីឡូតិ៍រូបនេះបានហៅឧត្តមភរិយារបស់លោកថាជំទាវពេញៗមាត់នៅលើបណ្ដាញសង្គម។
យោងតាមការបង្ហោះដោយផេកលោកឧកញ៉ាតារាចម្រៀងបានផុសសំនេរនៅថ្ងៃទី២៨ ខែមីនា ឆ្នាំ២០២២នេះ លោកបានបបួលអ្នកគាំទ្ររបស់លោកទាំងអស់ឱ្យចូលទស្សនាការ Live របស់លោកនិងភរិយាដែលលោកបានហៅការ Live នោះថាគឺជាការ Live ដ៏សំខាន់មួយ ប៉ុន្តែអ្វីដែលគួរឱ្យចាប់អារម្មណ៍លើសពីការ Live នោះគឺលោកឧកញ៉ារូបនេះ បានប្រើពាក្យហៅម្ចាស់ចិត្តលោកថាជំទាវភរិយារបស់ខ្ញុំ ដោយនេះគឺជាលើកទីមួយហើយដែលឧកញ៉ារូបនេះបានប្រើងារជំទាវហៅប្រពន្ធរបស់ខ្លួន។
«ម៉ោង7ល្ងាចនេះខ្ញុំនឹងលោកជំទាវភរិយារបស់ខ្ញុំនឹងធ្វើការឡាយសំខាន់មួយហើយក្នុងនោះក៍ត្រូវការបងប្អូនចូលរួមផងដែរ»
នៅខាងក្រោម Status របស់លោកមានអ្នកគាំទ្រជាច្រើនបានចូលមកសរសើរដល់អ្នកទាំងពីរថាពិតស័ក្តិសមគ្នាពិសេសស្រស់ស្អាតនិងសង្ហាខ្លាំងថែមទៀតផង។
ប្រភព៖ Khemarak Sereymun