នៅពេលថ្មីៗនេះ គ្រូមហាជ័យ បានបង្ហោះរូបភាពមួយសន្លឹក ដែលស្ដែងឱ្យឃើញពីរូបចម្លាក់របស់ «ព្រះថោងព្រះនាងនាគ»។ តែយ៉ាងណាមិញ អ្នកលេងបណ្ដាញសង្គមហាក់ដូចមិនពេញចិត្ត និងបានដាក់ Caption ហាមផ្ដាច់មិនឱ្យគ្រូមហាជ័យទៅចូលបារមីនៅកន្លែងរង្វង់មូល «ព្រះថោងព្រះនាងនាគ» នៅខេត្តព្រះសីហនុឡើយ។
គ្រូមហាជ័យ គ្រាន់តែបង្ហោះរូប និងសរសេរសារថា ៖ «ព្រះថោងនាងនាគ រឺព្រះបាទហ៊ុនទៀនព្រះម៉ែនាគព្រះនាងសោម៉ា ប្រទានពរដល់ពុកម៉ែបងប្អូន ទទួលបានអំណរឆ្នាំថ្មី សុខភាពល្អរកស៊ីមានបានគ្រប់គ្នាៗ 🙏 អ្នកស្រលាញ់ចូលចិត្តអាចជាវរូបលោកយកទៅគោរពបូជា លោកគ្រូឃើញគេដាក់ជាវគ្រប់ទីកន្លែងដែលនៅជិតបងប្អូន»។
ភ្លាមៗស្រាប់តែអ្នកលេងបណ្ដាញសង្គមបានចែករំលែកបន្តៗ ហើយលើកឡើងស្រដៀងៗគ្នាបែបនេះថា៖ «សង្ឃឹមថាមិនទៅចូលរូប នៅមុខព្រះអង្គ», «ក្នុងនាមខ្ញុំជាប្រជាពលរដ្ឋរស់នៅខេត្តព្រះសីហនុខ្ញុំសង្ឃឹមថាមិនមានជនបែកថ្នាំមកចូលរូបរំខាន និងធ្វើឱ្យខូចសណ្ដាប់ធ្នាប់កន្លែងរូបសំណាក់ទៅចុះ សាធុៗៗៗៗៗ🙏🏻🙏🏻🙏🏻» , «តិចទៀតព្រះម៉ែសណ្ធិតនៅទឹកដីកំពង់សោមទៀតហើយ ព្រះម៉ែប្រទានពរកូនៗ», «ណក 😝 តិចទៀត ម៉ោហើយ បងប្អូនអ្នកកំពង់សោមចាំទទួលលោកគ្រូ 😂» និង «សង្ឃឹមថាកុំទៅបញ្ជាន់ចូលរូបនៅចំពោះ មុខព្រះអង្គទៅបានហើយ! 😎😑»។
គួរឱ្យដឹងដែរថា រូបសំណាក «ព្រះថោងនាងនាគ» មានកម្ពស់ ២១ម៉ែត្រ ដែលរចនាស្ថាបត្យកម្មដោយកូនខ្មែរ ត្រូវបានដឹកមកដល់កំពង់ផែស្វយ័តក្រុងព្រះសីហនុ នៅថ្ងៃទី២៥មីនានេះ។ រូបសំណាក «ព្រះថោងនាងនាគ» ត្រូវបានសាងសង់ឡើងនៅប្រទេសចិន។ រង្វង់មូលព្រះថោងនាងនាគ ស្ថិតនៅចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ។ ព្រថោងនាងនាគ បែរព្រះភ័ក្រឆ្ពោះទៅសមុទ្រ ទ្រង់ដំណើរយាងទៅជួបព្រះមាតាបិតានាងឋានភុជង្គនាគ ជានិម្មិតរូបនៃការកកើតទឹកដី វប្បធម៌ អរិយធម៌ ប្រពៃណី ទំនៀមទម្លាប់ របស់ខ្មែរ។
ការលើកឡើងពីករណីគឺ ជុំវិញមតិរបស់មហាជនអ្នកលេងបណ្ដាញសង្គមហ្វេសប៊ុកតែប៉ុណ្ណោះ តែយ៉ាងណាមិញ គេនៅមិនទាន់មើលឃើញថា គ្រូមហាជ័យនៅមិនទាន់មានសកម្មភាពណាមួយ ជាគម្រោងទៅបញ្ជាន់បារមីនៅទីនោះនៅឡើយទេ៕