នេះគឺជារឿងមួយដ៏ប្រពៃបំផុត ដោយសារតែកុមារា ឡុង លីងគ័ង្គ តារាចម្រៀងវ័យក្មេងប្រចាំផលិតកម្ម ហង្សមាស និង រស្មីហង្សមាស បានប្រកាសលក់សំលៀកបំពាក់ឡើងឆាករបស់ខ្លួនដើម្បីយកថវិកាជួយសម្រួលដល់ជីវភាពបងប្អូនក្រីក្រខ្សត់ខ្សោយ។
កាលពីថ្ងៃទី២៩ ខែមីនា ឆ្នាំ២០២២ តារាចម្រៀងវ័យក្មេង ឡុង លីងគ័ង្គ បានធ្វើឱ្យមហាជនពិសេសហ្វេនៗដែលជាអ្នកគាំទ្រកោតសរសើរចំពោះទឹកចិត្តរបស់កុមារារូបនេះជាថ្មីម្ដងទៀត ដោយប្អូនបានប្រកាសដាក់លក់សំលៀកបំពាក់ឡើងឆាករបស់ខ្លួនដែលធ្លាប់បានប្រើប្រាស់មួយទឹកឬពីរទឹកក្នុងតម្លៃទាប ហើយប្រមូលថវិកាដែលខ្លួនទទួលបាននោះយកទៅជួយដល់អ្នកដែលក្រីក្រលំបាក។
ឡុង លីងគ័ង្គបានលើកឡើងក្នុងសំនេរដែលបង្ហោះលើបណ្ដាញសង្គមហ្វេសប៊ុកយ៉ាងដូច្នេះថា៖ «ទិញមុនបានមុនបាទសូមពុកម៉ែបងប្អូនជួយជាវអាវ ដោយទំលាក់លេខកូដអាវនីមួយៗ ទីតាំង និង លេខទូរសព្ទ ក្រុមការងារនឹងធ្វើការទាក់ទង និងដឹកយកទៅជូន តែសេវាដឹកខាងពុកម៉ែបងប្អូនអ្នកចំនាយ។ថវិកាដែលបានមកពីការលក់ ខ្ញុំនឹងទុកជួយអ្នកដែលក្រខ្សត់លំបាក តាមអ្វីដែលខ្ញុំអាចធ្វើបានសូមអរគុណចំពោះការចូលរួមទាំងអស់គ្នា»
ដោយសារតែឃើញទឹកចិត្តដ៏ល្អរបស់តារាចម្រៀងវ័យក្មេងអ្នកគាំទ្រជាច្រើនបានសំរុកចូលមកជួយទិញសំលៀកបំពាក់ពិសេសអាវឡើងឆាករបស់លីងគ័ង្គ ក្នុងគោលដៅចូលរួមក្នុងការធ្វើអំពើល្អដើម្បីសង្គមជាតិជាមួយគ្នា៕
ប្រភព៖ Long Lingkorng,
