តារាចម្រៀងម្ចាស់ពានរង្វាន់ Beat The Best លោក សួ វិចិត្រ កំពុងតែធ្វើឱ្យអ្នកមេម៉ាយរំភើបដោយសារតែបទចម្រៀងថ្មីរបស់លោកចាក់ចំបេះដូងមេម៉ាយៗតែម្ដង។
នៅថ្ងៃទី៣០ ខែមីនា ឆ្នាំ២០២២នេះ ម្ចាស់ពាននិងជាតារាចម្រៀងថ្មោងថ្មីផលិតកម្មហង្សមាសនិងរស្មីហង្សមាស បានចេញបទចម្រៀងដំបូងរបស់ខ្លួនដែលមានចំណងជើងថា «លង់នឹងមេម៉ាយ» ដោយបទចម្រៀងនេះកំពុងតែផ្ទុះការសរសើរយ៉ាងខ្លាំងលើបណ្ដាញសង្គមហ្វេសប៊ុក ក៏ដូចជាលើឆាណែល Youtube របស់ហង្សមាសផងដែរ។
ហ្វេនទាំងនៅលើ Facebook និងនៅលើ Youtube បានសរសើរបទចម្រៀងថ្មីរបស់ សួ វិចិត្រ ដែលឱ្យតម្លៃទៅលើអ្នកមេម៉ាយ ដោយបទនេះចេញត្រឹមតែ Teaser ប៉ុណ្ណោះ មានការគាំទ្រខ្លាំងរហូតដល់ជិត៣០០K ខណៈមានខមមិនសរសើរយ៉ាងច្រើនលើសលប់ និងអន្ទះសារចង់ស្ដាប់បទចម្រៀងរបស់ម្ចាស់ពាននេះគ្រប់ៗគ្នា។
បទចម្រៀងថ្មីរបស់ សួ វិចិត្រនេះគឺជាបទចម្រៀងដែលត្រៀមចេញដើម្បីអបអរសាទរពិធីបុណ្យចូលឆ្នាំខ្មែរ ខាងមុខនេះ បងប្អូនដែលជាអ្នកគាំទ្រកុំភ្លេចត្រៀមខ្លួនច្រៀងនិងរាំកម្សាន្តជាមួយគ្នា។
ប្រភព៖ Youtube Rasmey Hang Meas
ទស្សនាឈុតឆាកខ្លីបទចម្រៀង «លង់នឹងមេម៉ាយ» ច្រៀងដោយ សួ វិចិត្រ ខាងក្រោមនេះ៖
