ក្រុមបាល់ទាត់ Manchester City ត្រូវបើកទ្វាកីឡដ្ឋាន Etihad ក្នុងទីក្រុង Manchester របស់ខ្លួនទទួលក្រុម Atletico Madrid របស់អេស្ប៉ាញ ក្នុងវគ្គ៨ក្រុមចុងក្រោយ នៃពានរង្វាន់ជើងឯកទ្វីបអឺរ៉ុប UEFA Champions League 2022 នៅវេលាម៉ោង២រំលងអាធ្រាត្រយប់ថ្ងៃពុធ ទី០៦ ខែមេសា ឆ្នាំ២០២២។
មុនជួបគ្នាយប់នេះលោក Diego Simeone គ្រូបង្គោលរបស់ក្រុម Atletico Madrid បានលើកឡើងដូច្នេះថា៖«Man City គឺជាក្រុមខ្លាំងមានកីឡាករល្អៗ ប៉ុន្តែរដូវកាលមុន Chelsea បានយកឈ្នះ Man City ១-០ នៅក្នុងវគ្គផ្តាច់ព្រ័ត្រ UCL»។
ប្រវត្តិជួបគ្នា៣លើកចុងក្រោយរវាង Pep Guardiola ទល់នឹង Diego Simeone៖
– ថ្ងៃទី០៣ ខែឧសភា ឆ្នាំ២០១៦ Bayern Munich ២-១ Atletico Madrid (Pep Guardiola ឈ្នះ)
– ថ្ងៃទី២៧ ខែមេសា ឆ្នាំ២០១៦ Atletico Madrid ១-០ Bayern Munich (Diego Simeone ឈ្នះ)
– ថ្ងៃទី២៦ ខែកុម្ភៈ ឆ្នាំ២០១២ Atletico Madrid ១-២ Barcelona (Pep Guardiola ឈ្នះ)៕
