ម្ចាស់ផ្ទះវៀតណាម បានរៀបចំពិធីចាប់ឆ្នោតជ្រើសរើសពូលសម្រាប់បាល់ទាត់បុរស-នារី និងបាល់ទាត់ហ្វូតសាលបុរស-នារី ក្នុងព្រឹត្តិការណ៍កីឡាស៊ីហ្គេមលើកទី៣១ ឆ្នាំ២០២១ នាព្រឹកថ្ងៃពុធ ទី៦ ខែមេសា ឆ្នាំ២០២២ ក្នុងរដ្ឋធានីហាណូយ។
ព្រឹត្តិការណ៍កីឡាស៊ីហ្គេមលើកទី៣១ឆ្នាំ២០២១ គ្រោងរៀបចំឡើងនៅចន្លោះថ្ងៃទី១២ ដល់២៣ ខែឧសភា ឆ្នាំ២០២២ ដោយមានប្រទេសក្នុងតំបន់ចំនួន១១ ត្រៀមបញ្ជូលអត្តពលិកសរុបប្រមាណជាង៧០០០នាក់ ចូលរួមប្រកួតប្រជែងលើ៤០ប្រភេទកីឡា ដែលសរុបចំនួន៥២៦វិញ្ញាសា។