ពានរង្វាន់បាល់ទះ Ganzberg Special Volleyball League 2022 បន្តប្រកួតសប្ដាហ៍ទី៣ ហើយចុងសប្ដាហ៍នេះលើទីលានបាល់ទះកីឡដ្ឋានព្រីនស៍ ដោយមានការប្រកួតចំនួន៤គូ។ ការប្រកួតទាំង៤គូនេះមានផ្សាយផ្ទាល់ដោយសារព័ត៌មានត្រយង និង PNN ទាំង២គូផងដែរ។
ថ្ងៃសុក្រ ទី៨ ខែមេសា ឆ្នាំ២០២២៖
-ម៉ោង២រសៀល សមាគមកីឡាបាល់ទះវិសាខា ប្រកួតជាមួយ ក្រុមបាល់ទះ Sport KPC
-ម៉ោង៣:៣០នាទី ក្រុមបាល់ទះPS CONCRETE ប្រកួតជាមួយ ក្លិបបាល់ទះខេត្តកំពង់ស្ពឺ
ថ្ងៃសៅរ៍ ទី៩ ខែមេសា ឆ្នាំ២០២២៖
-ម៉ោង២រសៀល កងពលតូចអន្តរាគមន៍លេខ៩ ប៉ះ ក្លិបនាយកដ្ឋានលិខិតឆ្លងដែន
-ម៉ោង៣:៣០នាទី ក្រុមកីឡាបាល់ទះVONG PLUS ប៉ះ ក្លិបបាល់ទះយុវជនស្រុកល្វាឯម។
ការប្រកួតលក្ខណៈ៤ទល់៤ ក្នុងលក្ខណៈលីគដំបូងគេបែបនេះ មាន១សិតចំនួន២៥ពិន្ទុ ហើយគូភាគីណារកបាន២សិតមុនជាអ្នកឈ្នះ ប៉ុន្មានបើប្រកួតទៅឈ្នះម្នាក់១សិត នោះនឹងប្រកួតសិតទី៣ ដើម្បីកាត់សេចក្ដី។ ចំណែកការរាប់ចំណាត់ថ្នាក់វិញក្រុមដែលឈ្នះ២សិតទល់០ នឹងទទួលបាន៣ពិន្ទុ ហើយបើក្រុមឈ្នះ២សិតទល់១ នឹងទទួលបាន២ពិន្ទុ។ សម្រាប់ក្រុមបរាជ័យ០ទល់២ សិត មិនទទួលបានពិន្ទុទេ តែបើក្រុមចាញ់១សិតទល់២ សិតនឹងទទួលបាន១ពិន្ទុ។
ពានរង្វាន់ Ganzberg Special Volleyball League 2022 រៀបចំប្រកួតរាល់ថ្ងៃសុក្រ និងសៅរ៍ រាល់សប្ដាហ៍នីមួយៗ ចាប់ពីថ្ងៃទី២៥ ខែមីនា ដល់ថ្ងៃទី១៩ ខែសីហា ឆ្នាំ២០២២ នៅទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ។
ក្រុមចូលរួមទាំង១៣មានដូចជា៖
១.កងពលតូចអន្តរាគមន៍លេខ៩
២.ក្រុមបាល់ទះ Vong Plus
៣.ក្លិបបាល់ទះយុវជនស្រុកល្វាឯម
៤.សមាគមកីឡាបាល់ទះវិសាខា
៥.ក្លិបកីឡាបាល់ទះខេត្តកំពង់ស្ពឺ
៦.ក្រុមកីឡាបាល់ទះ Sport KPC
៧.ស្នងការនគរបាលខេត្តព្រៃវែង
៨.កងពលធំអន្តរាគមន៍លេខ៣
៩.ស្នងការដ្ឋាននគរបាលខេត្តតាកែវ
១០.នាយកដ្ឋានលិខិតឆ្លងដែន
១១.ក្រសួងមហាផ្ទៃ
១២.រដ្ឋបាលរាជធានីភ្នំពេញ
១៣ ក្រុមបាល់ទះ P.S Concrete៕