កូរ៉េ – តារាសម្ដែង Song Hye-Kyo ហៅ ហាន់ ជីអ៊ុន បានធ្វើឱ្យអ្នកគាំទ្រភ្ញាក់ផ្អើលចំពោះសម្រស់ដ៏ស្អាតប្រៀបដូចបុប្ផាស្រស់នារដូវផ្ការីករបស់អ្នកនាង ដោយសារតែសម្រស់ដ៏ត្រកាលនេះខុសពីអាយុពិតរបស់តារាស្រីរូបឆ្ងាយដាច់ស្រឡះតែម្ដង។
យោងតាមការបង្ហោះរបស់ផលិតផលសំលៀកបំពាក់ Brand ល្បីឈ្មោះដែលជ្រើសរើសតារារូបនេះមកស្លៀកបង្ហាញម៉ូដឱ្យនោះ ពិតជាការគិតមិនខុសនោះទេ ព្រោះគ្រប់ឈុតដែលតារារូបនេះបានស្លៀកពាក់នោះគឺពិតជាស្អាតណាស់ ថែមទាំងសម្រស់ដែលនៅតែក្មេងខ្ចីរបស់តារារូបនេះទោះជាស្ថិតក្នុងវ័យជាង៤០ហើយនោះ ត្រូវបានមហាជនកោតសរសើរគ្រប់ៗគ្នា។
យោងតាមការការបង្ហោះរបស់ Brand Official បានចែករំលែកឱ្យដឹងថាផលិតផល Song Hye Kyo បានស្លៀកនោះគឺលក់ដាច់គ្មានសល់នោះទេ ខណៈដែលផលិតផលខ្លះលក់មុនពេលដែលសំលៀកបំពាក់បានបញ្ចេញលក់ទៅទៀត ហើយនេះគឺជាសក្ខីកម្មបញ្ជាក់ពីប្រជាប្រិយភាពរបស់តារាស្រីរូបនេះ។
កាលពីពេលថ្មីៗនេះរូបភាពដែលតារារូបនេះបានបង្ហោះនៅលើបណ្ដាញសង្គម Instagram បានបង្ហាញឱ្យឃើញពីភាពស្រស់ស្អាតគ្មានកន្លែងចន្លោះ រហូតមនុស្សចំនួនគិតថាតារារូបនេះស្ថិតក្នុងវ័យ២០ជាងប៉ុណ្ណោះ។ តាមការពិត Song Hye Kyo កើតនៅឆ្នាំ១៩៨១ ដូច្នេះសព្វថ្ងៃនេះតារារូបនេះមានវ័យ ៤២ឆ្នាំហើយ។
ថ្មីៗនេះតារាស្រីវ័យជ្រេតែសម្រស់មិនជ្រេតាមវ័យបានសម្ដែងជាមួយនឹងតារាសម្ដែង Jang Ki Young ដែលមានវ័យក្មេងជាងខ្លួនតាមរយៈភាពយន្ត «Now, We Are Breaking Up» កាលពីខែមករានៅដើមឆ្នាំ២០២២នេះ។
ក្រោយបញ្ចប់រឿងខាងលើនេះ ហាន់ ជីអ៊ុន បានជ្រើសរើសសម្ដែងរឿងថ្មី «The Glory» ដែលនិពន្ធដោយ Kim Eun Sook ជាប្រូចេកបន្ទាប់របស់ខ្លួន។ រឿងភាគថ្មីនេះ «The Glory» និយាយពីរឿងរ៉ាវគំនុំសងសឹករបស់តួឯកស្រីដែលមានក្ដីសុបិនចង់ក្លាយជា architect ប៉ុន្តែបែរជាបោះបង់ចោលការសិក្សានៅត្រឹមវិទ្យាល័យដោយសារ។ សម្រាប់រឿងភាគថ្មីរបស់ Song hye Kyo នេះអាចនឹងត្រូវបញ្ចាំងនៅឆមាសទីពីរក្នុងឆ្នាំ២០២២នេះ។
ប្រភព៖ KBIzoom
