ភ្នំពេញ៖ បើតាមសេចក្តីជូនដំណឹងរបស់ក្រសួងធនធានទឹក និងឧតុនិយមបានជូនដំណឹងស្តីពីស្ថានភាពអាកាសឲ្យដឹងថាចាប់ពីថ្ងៃទី២០ ដល់ថ្ងៃទី២៦ ខែមេសា ឆ្នាំ២០២២ ខាងមុខនេះ ព្រះរាជាណាចក្រកម្ពុជានឹងទទួលនូវឥទ្ធិពលពីទ្រនុងសម្ពាធខ្ពស់ (ប៉ាស៊ីហ្វិច) និងកម្រិតសម្ពាធទាបខ្សោយដូចជា៖
សម្រាប់ស្ថានភាពបែបនេះ នឹងធ្វើឲ្យបណ្តាខេត្តនៅតំបន់វាលទំនាបកណ្ដាល ៖
- សីតុណ្ហភាពអប្បបរមា មានពី២៤-២៦ អង្សារសេ។
- សីតុណ្ហភាពអតិបរមា មានពី៣៤-៣៦ អង្សារសេ ។
- នឹងអាចមានភ្លៀងក្នុងកម្រិតពីខ្សោយទៅមធ្យម លាយឡំ ផ្គរ រន្ទះ និងខ្យល់កន្រ្តាក់។ ដោយឡែកកន្លែងខ្លះអាចមានភ្លៀងធ្លាក់ច្រើនជាបង្គួរផងដែរ។
សម្រាប់បណ្ដាខេត្ត ដែលជាប់ជួរភ្នំដងរែក និងខ្ពង់រាបឦសាន ៖
- សីតុណ្ហភាពអប្បបរមា មានពី២៣-២៥ អង្សារសេ
- សីតុណ្ហភាពអតិបរមា មានពី៣៣-៣៥ អង្សារសេ
- នឹងអាចមានភ្លៀងក្នុងកម្រិតខ្សោយទៅមធ្យមជាអន្លើ លាយឡំ ផ្គរ រន្ទះ និងខ្យល់កន្រ្តាក់។
សម្រាប់តំបន់មាត់សមុទ្រ ៖ - សីតុណ្ហភាពអប្បបរមា មានពី២២-២៦ អង្សារសេ
- សីតុណ្ហភាពអតិបរមាមាន៣៣-៣៥ អង្សារសេ
- នឹងអាចមានភ្លៀងក្នុងកម្រិតពីខ្សោយទៅមធ្យម លាយឡំ ផ្គរ រន្ទះ និងខ្យល់កន្រ្តាក់។ ក្នុងនោះមានខេត្តកោះកុង អាចទទួលនូវបរិមាណទឹកភ្លៀងច្រើនជាងគេ។
ដូចច្នេះសូមបងប្អូនប្រជាពលរដ្ឋ ក៏ដូចជាសាធារណៈជនទទួលជ្រាបជាព័ត៌មាន និងបង្កើនការប្រុងប្រយ័ត្នឲ្យបានខ្ពស់ទាំងអស់គ្នា៕
