ក្លិបបាល់ទាត់ Derby County ក្រោមការដឹកនាំរបស់លោក Wayne Rooney បានធ្លាក់ចេញពីក្របខណ្ឌ Championship លីគលំដាប់ទី២ទៅកាន់ League 1 លីគលំដាប់ទី៣របស់ប្រទេសអង់គ្លេស។
ភ្លាមៗនោះតារាចម្រៀង គូម៉ា ម្ចាស់បទ«ថ្ងៃឯកា»ដាក់ចំៗទៅកាន់ Wayne Rooney ដូច្នេះថា៖«ដឹកនាំខ្សោយមិនអីទេ តែកុំខ្សោយចរិកណា អតីតអាយឌល(Idol)»។
កាលពីថ្ងៃទី១៦ ខែវិច្ឆិកា ឆ្នាំ២០២១ ក្លិបបាល់ទាត់ Derby County ត្រូវបាន English Football League ដែលគ្រប់គ្រងការប្រកួតលីគទី២ របស់ប្រទេសអង់គ្លេសនោះបានដាក់ពិន័យកាត់ ២១ពិន្ទុដោយសារការបំពានច្បាប់គណនេយ្យភាព(ការប្រកាសក្ស័យធន)របស់សហព័ន្ធបាល់ទាត់អង់គ្លេស EFL។
បច្ចុប្បន្ន Derby County ស្ថិតនៅលេខរៀងទី២៣ ក្រោយលេង៤៣ប្រកួត ឈ្នះ១៣ ស្មើ១៣ និងចាញ់១៧ និងត្រូវ EFL កាត់២១ពិន្ទុ នៅសល់៣១ពិន្ទុតែប៉ុណ្ណោះ៕
