អាមេរិក – តារាសម្ដែងល្បីលោក Jonny Depp បានប្ដឹងបកភរិយារបស់លោកទៅកាន់តុលការវិញ ក្រោយភរិយាបានប្ដឹងលោកលោកប្រើប្រាស់ហិង្សា ដោយទាមទារសំណងទឹកប្រាក់ត្រឹមពាក់កណ្ដាលដែលភរិយាប្ដឹងលោកប៉ុណ្ណោះ។
យោងតាមការផ្សាយរបស់ CNN តួឯកប្រុសមហាចោរសមុទ្រ Caribbean បានប្ដឹងបកអតីតភរិយាចូលទៅកាន់តុលាករ Fairfax ក្នុងរដ្ឋ Virginia កាលពីថ្ងៃទី១៩ ខែមេសា។ លោកបានបញ្ជាក់ពីទំនាក់ទំនងរវាងលោកនឹងអតីតភរិយាដោយបាននិយាយថាលោកមិនដែលខឹងខ្លាំងដល់កម្រិតវាយតប់អតីតភរិយាឬដទៃណាម្នាក់ឡើយក្នុងជីវិតរបស់ខ្ញុំ។
នៅក្នុងតុលការអតីតគូស្នេហ៍ដ៏មានឥទ្ធិពលនេះបានគាស់បង្ហាញភស្ដុតាង ក៏ដូចជាសំឡេងនិងវីដេអូមកធ្វើការចោទប្ដឹងគ្នាទៅវិញទៅមក ប៉ុន្តែកដល់ពេលនេះមហាជននិងអ្នកគាំទ្រហាក់ផ្អៀងទៅលោក Johnny Depp ច្រើនជាងព្រោះរាល់អ្វីដែលអតីតភរិយាលើកមកចោទប្រកាន់លោកអាចមានអំណះអំណាងបកស្រាយនិងបញ្ជាក់ ប៉ុន្តែរាល់អ្វីដែលតួអង្គមហាចោរសមុទ្ររូបនេះលើកឡើងវាយបកទៅអតីតភរិយានាង Amber Heard ហាក់ដូចជាមិនមានអ្វីយកមកបង្ហាញឬតបតចំពោះលោកវិញនោះឡើយ។
យ៉ាងណាមិញករណីប្ដឹងផ្ដល់គ្នារបស់អ្នកទាំងពីរនៅមិនទាន់មានសេចក្ដីសម្រេចណាមួយពីតុលការនៅឡើយទេ ដូច្នេះមានតែតាមដានបន្តទៀតប៉ុណ្ណោះ តើរឿងហេតុវិវាទនេះនឹងឈានដល់ចំណុចបញ្ចប់នៅពេលណា ហើយអ្នកណាគឺជាជនរងគ្រោះពិតប្រាកដក្នុងអំពើហិង្សាក្នុងគ្រួសារនេះ៕
ប្រភព៖ CNN
