អង់គ្លេស – អតីតបេក្ខនារីចូលរួមប្រកួតកម្មវិធី Britain’s Got Talent បានចេញមកអះអាងថាកម្មវិធីប្រកួតសមត្ថភាពទេពកោសល្យដែលផ្សាយនៅលើទូរទស្សន៍ ITV គឺក្លែងក្លាយ។
កញ្ញា Gracie May មានវ័យ១៦ឆ្នាំ គឺជាបេក្ខជនម្នាក់បានចេញមកបង្ហោះវីដេអូលើបណ្ដាញសង្គម Tiktok ចែករំលែកបទពិសោធន៍ចូលរួមប្រកួត (Audition) របស់ខ្លួននៅក្នុងកម្មវិធីខាងលើកាលពីអាយុ៩ឆ្នាំ។
យុវតីរូបនេះបានចាប់ផ្ដើមនិយាយពីការតម្រង់ជួរយ៉ាងវែងដើម្បីរង់ចាំបង្ហាញសមត្ថភាពដោយក្នុងនោះមានការបង្ហាញសមត្ថភាពបេក្ខជនយ៉ាងហោច៩ទៅ១០នាក់នៅមុខគណៈកម្មការ។
ក្នុងពេលកំពុងតែបង្ហាញសមត្ថភាពនោះ Gracie និយាយថាផលិតករបានស្នើឱ្យអ្នកប្រកួតផ្លាស់ប្ដូរ ដកឬដាក់បន្ថែមចំណុចមួយចំនួន ដើម្បីឱ្យត្រូវនឹងអ្វីដែលពួកគេចង់បាន។ សូម្បីតែបទចម្រៀងដែលឡើងប្រកួតក៏ពួកគេមានសិទ្ធិសម្រេចចិត្តថាបេក្ខជនគួរច្រៀងបទចម្រៀងមួយណាដែរ។
ក្នុងវីដេអូនោះ Gracie ថែមទាំងរំលេចបន្ថែមទៀតថាគ្រប់យ៉ាងត្រូវបានថតជាសេកង់ៗរួចរាល់អស់ហើ់យ ចំណែកទីបញ្ចប់ក៏ត្រូវបានថតទុកមួយឬពីររួចអស់ដែរ។ ចំំណែកសកម្មភាពដែលបេក្ខជនឆ្លើយតបចំពោះ Yes 4 ឬ No 4 ក៏ត្រូវបានថតទុកមុនពេលដែលពួកគេបានបង្ហាញសមត្ថភាពនៅចំពោះមុខគណៈកម្មការដោយផ្ទាល់ដែរ។
ក្រុមរាំរបស់ Gracie បាន Yes ចំនួន ៤ ប៉ុន្តែមិនបានឡើងទៅដល់វគ្គ Live Show នោះឡើយ។ ក្រោយពីសម្ដែងសមត្ថភាពចប់ គ្មានអ្វីកើតឡើងទាំងអស់ ក្រុមការងារមិនបានតេទាក់ទងពួកយើងឱ្យត្រលប់ទៅសម្ដែងសមត្ថភាពបន្តទៀតឡើយ។
អ្វីដែលគួរឱ្យចាប់អារម្មណ៍ទៀតនោះគឺក្រុមគ្រួសារនិងសាច់ញាតិមានសិទ្ធិបានមើលត្រឹមតែការសម្ដែងរបស់បងប្អូន ឬក្រុមគ្រួសារខ្លួនប៉ុណ្ណោះ ដើម្បីថតសកម្មភាពនិងទឹកមុខ ក្រោយការសម្ដែងចប់ ពួកគេត្រូវក្រោកចេញពីកន្លែងអង្គុយនោះ ដើម្បីទុកឱ្យគ្រួសារឬសាច់ញាតិបេក្ខជនផ្សេងទៀតឡើងមកអង្គុយដើម្បីថតសកម្មភាពនិងទុកមុខវិញម្ដង។
ការលើកឡើងនេះហាក់សបង្ហាញថាការបង្ហាញសមត្ថភាពដែលទទួលបាន ប៊ូតុងមាសគឺបានរៀបចំទុកហើយ។ ក៏ប៉ុន្តែបើស្ដាប់តាមសម្ដីរបស់ Gracie តារា Tiktok រូបនេះលើកឡើងថានាងក៏មិនដឹងដូចគ្នាដែរថាតើការបង្ហាញសមត្ថភាពដែលទទួលបានប៊ូតុងមាសគឺជាការជ្រើសរើសមុនឬក៏អត់នោះ៕
ប្រភព៖ thesun
