អាមេរិក – រយៈពេល៣ថ្ងៃហើយ ដែល Johnny Depp បានឡើងតុលាការដើម្បីឆ្លើយបំភ្លឺសំនួរមេធាវីរបស់ Amber Heard ដោយក្នុងនោះ Johnny បានទទួលស្គាល់ចំពោះមុខតុលាការថាលោកពិតជាធ្លាប់ប្រើប្រាស់ថ្នាំជាមួយនឹងមិត្តភក្ដិសិល្បករក្នុងរង្វង់សិល្បៈដូចជា Marilyn Manson និង Paul Bettany។
នៅក្នុងការឡើងតុលាការកាលពិថ្ងៃព្រហស្បតិ៍ទី២១ ខែមេសា មានការនាំសារដែល Johnny Depp ផ្ញើទៅកាន់មិត្តភក្ដិជិតស្និទ្ធរបស់ខ្លួនគឺ Paul Bettany ដោយអ្នកទាំងពីរបាននិយាយគ្នាពាក់ព័ន្ធនឹង Amber Heard បែបហិង្សា។
មេធាវីរបស់ Amber លោក Benjamin បានសួរទៅកាន់លោក Johnny Depp ថា Paul គឺជាមិត្តជិតស្និទ្ធដែលលោកធ្លាប់ប្រើថ្នាំជាមួយគ្នាមែនទេ? ពេលនោះ Johnny បានតបថា «នេះជាសំនួរដែលប្លែកណាស់ មែនហើយ Paul Bettany គឺជាមិត្តជិតស្និទ្ធរបស់ខ្ញុំ»។
Paul និង Johnny ធ្លាប់រួមការងារជាមួយគ្នា៣ដងតាមរយៈការសម្ដែងរឿង «Tourist 2010», «Transcendence 2014» និង «Mortdecai 2015» ដោយ Johnny ព្រមទទួលស្គាល់ថាពេលខ្លះលោកនិង Paul ធ្លាប់ប្រើថ្នាំជាមួយ
ក្រៅពីនេះកាលពីអំឡុងខែមិថុនា ឆ្នាំ២០១៣ ខណៈដែលលោក Johnny ចាប់ផ្ដើមសេពគប់គ្នាជាមួយនឹង Amber Heard លោកធ្លាប់ផ្ញើសារទៅរក Paul Bettany ហើយនិយាយថា៖ «ចាប់នាងជ្រមុជទឹកល្អជាង ហើយចាំយកទៅដុត! ខ្ញុំនឹងរំលោភសពដុតឆេះក្រៀមរបស់នាង ដើម្បីប្រាកដចិត្តថាស្លាប់ពិតមែន» ខណៈដែល Bettany ក៏បានតបវិញថា «គិតបែបនោះទាំងអស់! ឱ្យប្រាកដក្នុងចិត្តសិន ទើបយើងអាចសន្មតថានាងគឺជាស្រីមេធ្មប់ពិតមែន»
Johnny Depp ក៏ព្រមទទួលស្គាល់ដែរថាខ្លួនធ្លាប់ប្រើថ្នាំជាមួយនឹងអ្នកតន្ត្រីកេរ្តិ៍ឈ្មោះអាស្រូវ Marilyn Manson ដែលកំពុងតែប្ដឹងផ្ដល់គ្នាជាមួយនឹងអតីតគូស្នេហ៍រឿងប្រើហិង្សាដូចគ្នា…«យើងធ្លាប់ប្រើថ្នាំជាមួយគ្នា២ដង។
បុរសដែលត្រូវភរិយាចោទប្រកាន់រឿងប្រើហិង្សារូបនេះទទួលស្គាល់ថាលោកខ្មាសអៀនដែលធ្លាប់សរសេរអ្វីបែបនោះ ហើយព្យាយាមអធិប្បាយត្រឹមតែថា «នោះគឺជាការនិយាយលេងសើចបែបមនុស្សប្រុស» ហើយពេលដែលសរសេរសារនោះ amber និងលោកក៏មិនធ្លាប់មានបញ្ហាអ្វីធ្ងន់ធ្ងរដែរ ហើយសារនោះក៏ផ្ញើនៅមុនពេលដែលអ្នកទាំងពីរបានរៀបការជាមួយគ្នាដែរ។
ដោយឡែក Paul Bettany ក៏ធ្លាប់បានផ្ដល់សម្ភាសន៍ទាក់ទងនឹងសារខាងលើនេះដែរថាលោកមានការអាម៉ាសមុខយ៉ាងខ្លាំងដូចគ្នា តែការផ្ញើសារគ្នាចុះឡើងនេះគឺមុនពេលដែល Johnny Depp រៀបការជាមួយនឹង Amber «ខ្ញុំស្គាល់គាត់គេតាំងពីមុននោះ ក្រោយពីនោះខ្ញុំមិនដែលបាននិយាយជាមួយគេទៀតឡើយសឹងតែមួយឆ្នាំពេញ ពេលពួកគេរៀបការលោកមិនទាំងដឹងរឿងផង ក្នុងពេលនោះលោកមិនមានអ្វីពាក់ព័ន្ធឡើយ។
ចំពោះពាក្យចោទប្រកាន់ខាងលើមេធាវីរបស់ Depp បានឆ្លើយតបថា សារដែលកូនក្ដីលោកផ្ញើនោះជាសារចាស់មិនមែនជាសារថ្មីៗនោះទេ ហើយក៏ធ្លាប់បានយកមកចេញផ្សាយហើយដែរ រឿងនោះពួកគេគ្រាន់តែនិយាយគ្នាលេងប៉ុណ្ណោះ។
ករណីក្ដីក្ដាំនេះ Johnny Depp បានឡើងផ្ដល់ចម្លើយដល់តុលាការចំនួន៣ដងហើយ ខណៈដែល Amber នៅមិនទាន់បានឡើងផ្ដល់ចម្លើយដល់តុលាការនៅឡើយទេ ប៉ុន្តែភាគីមេធាវីរបស់នាងបានអះអាងថា Amber បានត្រៀមខ្លួនជាស្រេចនឹងរៀបរាប់ពីហេតុការណ៍អាក្រក់ជាច្រើនដែលកើតឡើងក្នុងជីវិតរៀបការរបស់នាងនិងអតីតស្វាមី Johnny Depp ដោយនាងបានហៅខ្លួនឯងថាជាជនរងគ្រោះក្នុងអំពើហិង្សាជាច្រើនរូបបែបទាំងរាងកាយនិងទឹកចិត្ត៕
ប្រភព៖ hollywoodreporterអត្ថបទទាក់ទងនឹង Johnny Depp
អត្ថបទទាក់ទងនឹង Johnny Depp៖
