ពានរង្វាន់បាល់ទះ Ganzberg Special Volleyball League 2022 បន្តប្រកួតសប្ដាហ៍ទី២ ហើយចុងសប្ដាហ៍នេះលើទីលានបាល់ទះកីឡដ្ឋានព្រីនស៍ ដោយមានការប្រកួតចំនួន៤គូ។ ការប្រកួតទាំង៤គូនេះមានផ្សាយផ្ទាល់ដោយសារព័ត៌មានត្រយង និង PNN ទាំង២គូផងដែរ។
ថ្ងៃសុក្រ ទី២៩ ខែមេសា ឆ្នាំ២០២២៖
-ម៉ោង២រសៀល ក្រុមកីឡាបាល់ទះ PS CONCRETE ប្រកួតជាមួយ ក្លិបកីឡាបាល់ទះយុវជនល្វាឯម
-ម៉ោង៣:៣០នាទី ក្រុមកីឡាបាល់ទះ កងពលតូចអន្តរាគមន៍លេខ៩ ប្រកួតជាមួយ ក្រុមកីឡាបាល់ទះ VONG PLUS។
ថ្ងៃសៅរ៍ ទី៣០ ខែមេសា ឆ្នាំ២០២២៖
-ម៉ោង២រសៀល សមាគមកីឡាបាល់ទះក្រសួងមហាផ្ទៃ ប្រកួតជាមួយ ក្រុមកីឡាបាល់ទះSPORT KPC
-ម៉ោង៣:៣០នាទី កងពលធំអន្តរាគមន៍លេខ៣ ប្រកួតជាមួយ ក្លិបកីឡាបាល់ទះខេត្តកំពង់ស្ពឺ។
ពានរង្វាន់ Ganzberg Special Volleyball League 2022 រៀបចំប្រកួតរាល់ថ្ងៃសុក្រ និងសៅរ៍ រាល់សប្ដាហ៍នីមួយៗ ចាប់ពីថ្ងៃទី២៥ ខែមីនា ដល់ថ្ងៃទី១៩ ខែសីហា ឆ្នាំ២០២២ នៅទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ ខណៈក្រុមចូលរួមទាំង១៣មាន១.កងពលតូចអន្តរាគមន៍លេខ៩ ២.ក្រុមបាល់ទះ Vong Plus ៣.ក្លិបបាល់ទះយុវជនស្រុកល្វាឯម ៤.សមាគមកីឡាបាល់ទះវិសាខា ៥.ក្លិបកីឡាបាល់ទះខេត្តកំពង់ស្ពឺ ៦.ក្រុមកីឡាបាល់ទះ Sport KPC ៧.ស្នងការនគរបាលខេត្តព្រៃវែង ៨.កងពលធំអន្តរាគមន៍លេខ៣ ៩.ស្នងការដ្ឋាននគរបាលខេត្តតាកែវ ១០.នាយកដ្ឋានលិខិតឆ្លងដែន ១១.ក្រសួងមហាផ្ទៃ ១២.រដ្ឋបាលរាជធានីភ្នំពេញ និង១៣ ក្រុមបាល់ទះ P.S Concrete៕
