ថៃ – សម្រាប់ករណីស្លា.ប់របស់តារាសម្ដែងថៃ តេងម៉ូ គឺជាហេតុការណ៍អកុសលដែលប្រជាជនថៃទូទាំងប្រទេសពិបាកនឹងបំភ្លេច ម្យ៉ាងវិញទៀតដោយសារតែករណីនេះមានលេចចេញភស្ដុតាងមួយចំនួនតាមរយៈវីដេអូដកស្រង់ចេញពីកាំមេរ៉ាសុវត្ថិភាព ដែលបង្កើតឱ្យមានចំណុចសង្ស័យជាច្រើន ហើយបើទោះជាប៉ូលីសបានថ្លែងការណ៍សរុបសាច់រឿងនេះក្ដី ប្រជាជនថៃ ក៏ដូចជាសិល្បករមួយចំនួនទៀតនៅតែសង្ស័យមិនបាត់ រហូតដល់ថ្នាក់ងាកទៅពឹងគ្រូទាយវិញម្ដង។
ថ្មីៗនេះគ្រូទាយល្បីឈ្មោះដែលមានរហស្សនាមថា «គ្រូប្លា ព្រាយខ្សឹបប្រាប់» បានចូលរួមជាភ្ញៀវកិត្តិយសក្នុងកម្មវិធីសម្ភាសន៍មួយ របស់ពិធីការិនីល្បីឈ្មោះនៅប្រទេសថៃ ដោយភាគច្រើនគឺលើកយកករណីស្លាប់របស់តារាថៃនាង តេងម៉ូ និដា មកជជែកម្ដងទៀត។ នៅក្នុងបទសម្ភាសន៍នោះមានចំណុចគួរឱ្យចាប់អារម្មណ៍ដូចតទៅ «ការពិតទៅសម្រាប់អ្នកគ្រូ ករណីនេះបានចប់តាំងពីយូរណាស់មកហើយ មើលទៅលទ្ធផលចុងក្រោយគ្រប់យ៉ាងត្រូវបានគេកំណត់ទុកអស់ទៅហើយ ចម្លើយនោះគឺជារឿងដែលគេរៀបចំទុក គ្រាន់តែមានការផ្លាស់ប្ដូរបង្វែរសំណុំរឿងមួយចំនួនដើម្បីឱ្យចប់ច្រើនជាង»
នៅពេលពិធីករសួរថា រឿងនេះនឹងចប់មែនទេ? មនុស្សនៅមានចម្ងល់នៅតែមានចម្ងល់បន្តទៀត ជួលកាលរឿងពិតក៏មិនគួរនិយាយដែរ ប្រជាជនគាត់ចង់ឃើញការបញ្ចប់ដោយរីករាយ?
អ្នកគ្រូទាយរូបនោះបានពោលបន្តថា មិនមានអីទេ បងគាត់ស្លាប់គឺជារឿងមិនរីករាយនោះទេ ដូច្នេះហើយរឿងនេះគ្មានផ្លូវចប់ដោយអ្វីដែលរីករាយនោះទេ។
មនុស្សជាច្រើនចង់ឃើញមនុស្សខុសត្រូវច្បាប់ដាក់ទោស?
គ្រូទាយបានឆ្លើយតបថា «សង្គមផ្លាស់ប្ដូរ មូលធននិយម វត្ថុនិយម ដូច្នេះត្រូវតែយល់ត្រង់ចំណុចនេះ និយាយច្រើនមិនកើតនោះទេ»។ អ្នកគ្រូទាយបន្តទៀត «ចង់ឱ្យអ្នកគ្រប់គ្នាមើលឃើញករណីនេះជាករណីសិក្សាចំបង ចំណុចសំខាន់ បងតេងម៉ូ គាត់ជាមនុស្សមានកេរ្តិ៍ឈ្មោះ នៅត្រូវជួបហេតុការណ៍បែបនេះ ចុះមនុស្សធម្មតាដែលមិនមានឈ្មោះ មិនមានលុយ នឹងអាចធ្វើអ្វីបាននៅថ្ងៃអនាគត សូមឱ្យគ្រប់គ្នាចេញមកទាមទាររកភាពត្រឹមត្រូវ សូមឱ្យជឿជាក់លើអំពើល្អ ភាពស្មោះត្រង់ ភាពយុត្តិធម៌ ត្រូវតែទាញមកឱ្យបាន ដើម្បីឱ្យភាពយុត្តិធម៌មានពិតប្រាកដ៕
ប្រភព៖ Teenee
