ជាការស្វាគមន៍ការវិលត្រឡប់ខ្លួនមកកាន់សិល្បៈចម្រៀង ពូឃ្លាំង បានត្រៀមបញ្ចេញស្នាដៃបទចម្រៀងថ្មីមួយបទ ដែលមានការសម្រិតសម្រាំងទាំងសាច់ភ្លេង ចំណងជើងបទចម្រៀង និង MV ។ បទថ្មីរបស់ ពូឃ្លាំង គឺមានចំណងជើងថា «3some» ដែលហ្វេនជាច្រើនបានលាន់មាត់ថា ជាចំណងជើងដែលបង្អើលអត្ថន័យអាសអាភាសឱ្យមានការជ្រើមជ្រួល។
យ៉ាងណាមិញ នៅពេលថ្មីៗនេះ ពូឃ្លាំង ក៏បានបង្ហោះនៅលើហ្វេសប៊ុករបស់លោកឱ្យហ្វេនបានឃើញពីសកម្មភាពនៃការផលិតបទចម្រៀងថ្មីរបស់លោក ដោយលោករៀបរាប់ថា ៖ «នេះជាសកម្មភាពខ្លះនៃការផលិតMV បទថ្មីរបស់ខ្ញុំ ដែលចំណាយពេល3ថ្ងៃ មានចំណងជើងថា ” 3some ” នេះជាបទដំបូង តែមិនមែនជាបទទី1 ក្នុងAlbum ថ្មី ដែលខ្ញុំត្រៀមសំរាប់ការត្រលប់មកវិញយ៉ាងពេញលេញលើវិស័យចំរៀងមួយនេះ សង្ឃឺមថាអ្នកទាំងអស់គ្នា នឹងចួលចិត្ត ហើយរីករាយជាមួយគ្នា »។
បន្ទាប់ពីបង្ហើបចំណងជើងរបស់បទថ្មី និងអំពីសកម្មភាពថត MV បទចម្រៀងខ្លួនហើយនោះ គេបានឃើញហ្វេនជាច្រើនបានលើកឡើងស្រដៀងគ្នាថា បទនេះគឺបទបង្អើលអត្ថន័យអាសអាភាស ដោយអ្នកខ្លះលើកឡើងថា «3some មើលក្នុង youtube សុទ្ធតែរឿងស*ចបូក👻» «Wow ពូ! ញាក់សាច់តែម្ដង មួយឈុតណាក៏ធ្វើឱ្យខ្ញុំស្រៀវជំនួសដែរ» និងខ្លះទៀតថា «ចេញមកអោបម្ដង២ម៉ងពូ👀🤣»។
ជាមួយគ្នានោះដែរ ពូឃ្លាំង បានប្រាប់ពីមូលហេតុដែលនាំឱ្យខ្លួនមានចិត្តវិលមកកាន់សិល្បៈវិញដែរថា ការត្រលប់មកវិញម្តងនេះ គឺផ្ដើមឡើងដោយសារការស្រលាញ់ ការនឹករលឹក នឹងការសំណូមពរ ហើយលោកអគុណអ្នកគាំទ្រដែលនៅតែចូលចិត្ត នឹងចងចាំពីឈ្មោះរបស់លោក។
លោកលើកឡើងថា នៅអំឡុងថ្ងៃចូលឆ្នាំ លោកបានលឺបទចាស់ៗរបស់លោកចាក់នៅតាមដងផ្លូវ ហើយមានហ្វេនខ្លះនៅច្រៀងតាម ទើបធ្វើឱ្យលោកមានស្នាមញញឹម។ លោករៀបរាប់ទៀតថា «គេជិះកាត់ហៅឈ្មោះខ្ញុំ ពូ ឃ្លាំង អ្នកទាំងអស់គ្នានេះហើយ ដែលធ្វើឱ្យខ្ញុំចិត្តមិនដាច់ ចាកចេញពីវិស័យចំរៀងសុំទោសដែលអោយរងចាំខ្ញុំយូរ ខ្ញុំនឹងត្រលប់មកវិញ ជាមួយអ្វីដែលថ្មីៗជាច្រើន នឹងឈរនៅលើឆាកតន្ត្រីម្តងទៀត តាមសំណូមពរអ្នកទាំងអស់គ្នាដែលចង់បាន….Album ថ្មីខ្ញុំ មានគ្រប់រសជាតិនៅក្នុងនោះ នឹងបង្កើតឡើងសំរាប់អ្នកទាំងអស់គ្នា !!!»។
ទោះជាយ៉ាង បទថ្មីដ៏ចាក់ដោតរបស់ ពូឃ្លាំង ក៏នៅមានហ្វេនខ្លះគាំទ្រ និងរង់ចាំស្ដាប់ បើទោះបីជាចំណេងរៀងលេងពាក្យធ្ងន់បន្តិច ក៏នៅមានហ្វេនខ្លះនិយាយថា «ថ្ងៃណាចេញពូចង់ឃើញណាស់😁😁💖» «Boom 💥 ទៀតហើយបង បទថ្មី» និងថា «ចំណងជើងបទចម្រៀង ដូចរឿងដែលខ្ញុំចូលចិត្តមើលណាស់ 🎶🎵💯💖»។ ហើយពាក្យ «3some» ដែលជាចំណងជើងបទថ្មីរបស់ ពូឃ្លាំង គេគឺនៅមិនទាន់ជ្រាបច្បាស់ទេ ថាអត្ថន័យនៃបទនេះនឹងរៀបរាប់អំពីអ្វីឱ្យពិតប្រាកដ។
ចុះហ្វេនវិញយល់ឃើញយ៉ាងចំពោះចំណង «3some» ? បើដាក់ពិន្ទុរហើយ កុំភ្លេច Comment ប្រាប់ Admin វិញផង៕