ថៃ – រូបរាងត្រលប់មកហាប់ណែនស្លីមស្វែលស្អាតលឿនខ្លាំងមែនទែន សម្រាប់អ្នកម៉ាក់របស់ Abigail ព្រោះសម្រាលកូនស្រីទីបីនេះមិនដល់មួយខែផង មានរាងស្អាតដូចដើមបាត់ទៅហើយ។
អ្នកគាំទ្រក៏ដូចជាមជ្ឈដ្ឋានមហាជនមានការចាប់អារម្មណ៍ផង និងភ្ញាក់ផ្អើលផង ព្រោះរូបរាងរបស់ម៉ាក់ៗទើបនឹងសម្រាលត្រលប់មកស្អាតដូចមុនបានលឿនដល់ថ្នាក់នេះ រហូតមានអ្នកលេងអ៊ិនធឺណិតជាច្រើនអត់ទ្រាំមិនចូល Comment សរសើរមិនបាន។ រូបភាពដែល Chompoo បង្ហោះនៅក្នុងហាងកាហ្វេនេះទទួលបានពាក្យសរសើរច្រើនដូចជា៖ «នេះបង Chompoo ទើបនឹងសម្រាលកូនណា», «រាងស្អាតណាស់», «អូយម៉ែ!», «តិចៗបានហើយ», «ម៉ាក់ទើបតែសម្រាលទេ ប៉ុន្តែរាងម៉ាក់ ម៉ែអើយ!»
ខាងលើនេះគ្រាន់តែជាការដកស្រង់យកពាក្យពេចន៍ខ្លះៗរបស់អ្នកលេងបណ្ដាញសង្គមប៉ុណ្ណោះ ប៉ុន្តែនៅមានមតិនិងការលើកសរសើរច្រើនទៀតដែលមិនអាចសរសេររៀបរាប់អស់៕