អ៊ុយក្រែន – សារព័ត៌មាន AP បានឱ្យដឹងថាកំពូលតារាហូលីវូដនិងជាបេសកជនពិសេសអង្គការសហប្រជាជាតិ Angelina Jolie បានធ្វើដំណើរទៅកាន់ភាពខាងលិចទីក្រុង Lviv របស់អ៊ុយក្រែនកាលពីថ្ងៃសៅរ៍ម្សិលមិញនេះ។ នេះបើយោងតាមការប្រកាសពីមន្ត្រីក្នុងតំបន់បានប្រកាសតាមប្រព័ន្ធតេឡេក្រាម។
យោងតាមប្រសាស៍របស់ Maksym Koxytskyy លោកស្រី Angelina Jolie ដែលទទួលបានតំណែងជាបេសកជនពិសេសរបស់ រអង្គការសហប្រជាជាតិ ទទួលបន្ទុកជនភៀសខ្លួន (UNHCR) តាំងពីឆ្នាំ ២០១១ មកនោះបានមកចួបនិងពិភាក្សាគ្នាដោយផ្ទាល់ជាមួយនឹងក្រុមមនុស្សដែលគ្មានផ្ទះសម្បែងដោយសារតែភៀសខ្លួនមកកាន់ទីក្រុង Lviv។ ក្នុងចំណោមជនភៀសខ្លួនទាងនោះមានទាំងកុមារដែលកំពុងតែសម្រាកព្យាបាលរបួសដោយសារតែការទម្លាក់គ្រាប់បែកនៅលើស្ថានីយរថភ្លើង Kramatorsk កាលពីដើមខែមេសាកន្លងទៅ។
ការវាយប្រហារនៅភាគខាងកើតក្រុងមើលទៅហាក់ដាក់គោលដៅគឺសំដៅទៅដល់ក្រុមស្ត្រីនិងកុមារដែលកំពុងតែរត់គេចខ្លួនពីការឈ្លានពានរបស់ទ័ពរុស្សី ដែលក្នុងហេតុការណ៍បានសម្លាប់មនុស្សយ៉ាងហោចណាស់៥២នាក់និងមានអ្នករបួសរាប់សិបនាក់ទៀត។
មន្ត្រីក្នុងតំបន់បានបន្តឱ្យដឹងទៀតថា «លោកស្រី Jolie ពិតជារំចួលយ៉ាងខ្លាំងចំពោះសាច់រឿងដែលក្មេងៗបានប្រាប់ដល់លោកស្រី ក្នុងចំណោមនោះមានក្មេងស្រីម្នាក់ថែមទាំងអាចនិយាយប្រាប់លោកស្រីជាលក្ខណៈឯកជននូវក្ដីរបស់នាងថែមទៀតផង»
នៅក្នុងដំណើរទស្សនកិច្ចឥតព្រាងទុកនេះលោកស្រីបានអញ្ជើញទៅសាលារៀន និយាយជាមួយនឹងសិស្សថែមទាំងថតរូបអនុស្សាវរីយ៍ជាមួយនឹងពួកគេថែមទៀតផង។ លោកស្រីបានសន្យានឹងក្មេងៗទាំងនោះថាលោកស្រីនឹងត្រលប់មកទីនេះម្ដងទៀត។
លោកស្រី Angelina Jolie បានជួបជាមួយនឹងអ្នកភៀសខ្លួនដែលទើបតែមកដល់ស្ថានីយរថភ្លៀងកណ្ដាលនៃទីក្រុង Lviv ហើយក៏បានជាមួយនឹងក្រុមអ្នកស្ម័គ្រចិត្តថ្មីៗដែលមកជួយផ្ដល់ជំនួយសុខាភិបាលនិងការពិភាក្សាផ្សេងៗទៀត។
មន្ត្រីរូបនេះបានរៀបរាប់ថា «វត្តមានរបស់លោកស្រីគឺពិតជារឿងមួយដ៏ភ្ញាក់ផ្អើលសម្រាប់ពួកយើង។ មនុស្សជាច្រើនដែលបានឃើញលោកស្រីនៅក្នុងក្រុង Lviv សឹងតែមិនជឿទេថានោះគឺពិតជាកំពូលតារាភាពយន្តហូលីវូដ។ ប៉ុន្តែចាប់តាំងពីថ្ងៃទី២៤ខែកុម្ភៈមក ប្រទេសអ៊ុយក្រែន បានបង្ហាញឱ្យពិភពលោកបានឃើញហើយថាមានរឿងអស្ចារ្យជាច្រើនបានកើតឡើងនៅលើទឹកដីនេះ»
ប្រភព៖ AP
___