កូរ៉េ – តារាសម្ដែង Heo Sung Tae ស្រាប់តែមានបញ្ហាផ្លូវចិត្តរហូតបង្ខំចិត្តលុបចោលការថតដោយសារតែក្រោយថតរឿង «Squid Game» ចប់។
តារាសម្ដែង Heo Sung Tae បានចែករំលែកវិបត្តិផ្ទាល់ខ្លួនថាលោកស្រាប់តែមានបញ្ហាផ្លូវចិត្តមិននឹងនក្រោយថតរឿង «Squid Game»។ កាលពីពេលថ្មីៗនេះ Heo Sung Tae បានចូលរួមក្នុងកម្មវិធីសន្និសីទសារព័ត៌មានផ្សព្វផ្សាយរឿងភាគថ្មី «Bloody Heart»។
នៅក្នុងសន្និសីទកាសែតនោះលោកត្រូវបានអ្នកកាសែតសួរពីភាពស័ក្តិសមគ្នាជាឪពុកនិងកូនស្រីរវាងលោកនិងតារាសម្ដែង Choi Ri ដែលសម្ដែងជាតួកូនរបស់លោក។ Heo Sung Tae បានឆ្លើយតបថាក្រោយថតរឿង «Squid Game» ថា «ខ្ញុំមានបញ្ហាពិបាកចូលក្នុងសង្គម ហើយព្រោះតែបញ្ហានេះ ការថតរបស់ខ្ញុំជាមួយនឹង Choi Ri ត្រូវបានផ្អាកជាបណ្ដោះអាសន្ន។ នោះគឺជាឈុតឆាកដំបូងដែលពួកយើងថតជាមួយនឹងគ្នា។» លោកបន្តទៀតថា «ខ្ញុំពិតជាមិនអាចលេងបានល្អ ខ្ញុំមានអារម្មណ៍ពិបាកចិត្តខ្លាំងណាស់ ហើយខ្ញុំក៏មានអារម្មណ៍ខុសឆ្គងចំពោះ Choi Ri ខ្លាំងដូចគ្នា»
Heo Sung Tae បានប្រាប់វិធីសាស្ត្រដែលលោកបានយកឈ្នះបញ្ហា ហើយអាចត្រលប់មកក្រោកឈរម្ដងទៀត។ តារារូបនេះបាននិយាយថា «រឿងនេះគឺជារឿងថ៏លំបាកបំផុតដែលខ្ញុំធ្លាប់ជួប ខ្ញុំឆ្លងព្យាយាមយ៉ាងខ្លាំងដើម្បីអាចឆ្លងកាត់រឿងនេះបាន។ ខ្ញុំបាននិយាយជាអ្នកដឹក ហើយនាងបានផ្ដល់ដំបូន្មានដ៏ល្អនិងសាច់រឿងលម្អិតបន្ថែម។ ការណែនាំរបស់នាងបានជួយដល់ខ្ញុំយ៉ាងច្រើន។ ក្រោយពីថ្ងៃនោះមក ខ្ញុំអាចរីករាយនឹងជីវិតការងារឡើងវិញ»
«Squid Game» គឺជាភាពយន្តភាគស៊េរី Korea បញ្ចាំងនៅលើ Platform Netflix ដែលនិយាយពីក្រុមមនុស្សក្រុមជាអ្នកជាប់បំណុល ហើយនាំគ្នាចុះឈ្មោះចូលលេងដើម្បីឈ្នះប្រាក់រង្វាន់ដ៏ច្រើនសន្ធឹកសន្ធាប់ ដោយមានជីវិតគឺជាដើមទុន។ នៅរឿងនេះ Heo Sung Tae សម្ដែងជាតួអង្គមេបងធំសង្គមងងឹតឈ្មោះ Jang Deok Su៕