អ្នកនាង ខាត់ សុឃីម បានបង្ហោះវីដេអូមួយដែលបង្ហាញឱ្យឃើញថាបទចម្រៀង «អូនលែងប្ដីហើយ» នៅតែមានការគាំទ្រច្រើនពីសាធារណជន ជាពិសេសនៅក្នុងពិធីមង្គលការមួយដល់ថ្នាក់បងស្រីកូនក្រមុំសំណូមពរនិងឡើងច្រៀងបទនេះជាមួយនឹងអ្នកនាង ខាត់ សុឃីម ថែមទៀត។
«អូនលែងប្ដីហើយ អូនលែងប្ដីហើយ លែងដាច់ លែងដាច់ ឥឡូវកំពុងបែកសាច់…» នេះគឺជាឃ្លាដ៏ពេញនិយមនិងលាន់ឮរងំចេញពីគ្រប់ផ្ទះនារដូវកាលចូលឆ្នាំថ្មីប្រពៃណីខ្មែរដែលទើបតែកន្លងផុតទៅ។ យ៉ាងណាមិញបទចម្រៀងថ្មីរបស់អ្នកនាង ខាត់ សុឃីម មួយនេះនៅតែល្បីល្បាញ ហើយមានប្រជាប្រិយភាពក្នុងស្រទាប់សាធារណជនរហូតមកតួយ៉ាងដូចជាកាលពីពេលថ្មីៗនេះ ក្រុមតន្ត្រីសម័យអ្នកនាង ខាត់ សុឃីម ក៏ត្រូវបានអញ្ជើញឱ្យទៅច្រៀងក្នុងពិធីមង្គលការមួយ ហើយបងស្រីកូនក្រមុំបានសំណូមពរឱ្យអ្នកនាងបកស្រាយបទចម្រៀងនេះ ប៉ុន្តេមិនអស់ចិត្តសាមីខ្លួនដែលត្រូវជាបងស្រីកូនក្រមុំបានឡើងលើឆាកបកស្រាយបទចម្រៀងនេះជាមួយនឹងគ្នាផងដែរ។ សំខាន់ជាងនោះអ្នកនាង ខាត់ សុឃីម ថែមទាំងសរសើរបងស្រីកូនក្រមុំថាច្រៀងពីរោះជាងខ្លួនជាម្ចាស់ដើមថែមទៀត។
យោងតាមការរៀបរាប់របស់ម្ចាស់បទ បានឱ្យដឹងថា «បងស្រីកូនក្រមុំ សំនូមពរ មិនអស់ចិត្ត សុំច្រៀងជាមួយ អ្នកនាង ខាត់ សុឃីម បានព្រម អូនលែងប្ដីហើយ កាត់ព្រឹក»
ក្រោយអ្នកនាង ខាត់ សុឃីម បង្ហោះវីដេអូច្រៀងជាមួយនឹងបងស្រីកូនក្រមុំបានត្រឹមតែមួយម៉ោងប៉ុណ្ណោះ ស្រាប់តែវីដេអូបទចម្រៀងនេះមានការចុច Like រហូតជាង ២K និងចំនួនទស្សនាជាង២០K បាត់ទៅហើយ។
សូមទស្សនាបទចម្រៀង «អូនលែងប្ដីហើយ» ខាងក្រោម៖