នេះគឺជារឿងមួយដែលត្រូវតែចែករំលែកនិងផ្សព្វផ្សាយជាដំណឹងជាចាំបាច់បំផុត ដើម្បីលើកទឹកចិត្តដល់អ្នកធ្វើអំពើល្អ។ ម្ចាស់ជ័យលាភី Miss Universe ងិន ម៉ារ៉ាឌី និងរងលំដាបទីមួយ ឆន ស្រីណេត បានចូលរួមជាមួយអង្គការ Habitat for Humanity Cambodia ដែលមានឈ្មោះថា Habitat Young Leaders Build 2022 សាងសង់លំនៅដ្ឋានជូនប្រជាពលរដ្ឋ នៅសង្កាត់ខ្មួញ ខណ្ឌសែនសុខ រាជធានីភ្នំពេញ។
ព្រឹត្តិការណ៍សាងសង់លំនៅដ្ឋាននេះបានរៀបចំឡើងកាលពីពេលថ្មីៗនេះដោយក្នុងឱកាសនៃកិច្ចសហការគ្នារវាងស្រីស្អាត និងក្រុមតារាម៉ូដែល CIM ក៏ដូចជាអង្គការ Habitat for Humanity Cambodia បានមានសកម្មភាពសំខាន់ដូចជា៖
-សាងសង់ផ្ទះថ្មីចំនួន៣
-ធ្វេីការលាបពណ៌ទាំង៣ផ្ទះ
-ធ្វើការផ្សព្វផ្សាយអំពីអនាម័យ និងការបង្ការជំងឺកូវីដ-១៩ ដល់កុមារប្រមាណ ២០០នាក់ នៅសាលាបឋមសិក្សា សែនសុខ។
ទង្វើដ៏គួរឱ្យសរសើរនេះត្រូវបានអ្នកលេងបណ្ដាញសង្គម ចូលមកអរគុណនិងកោតសរសើរចំពោះការលះបង់ទាំងកម្លាំងកាយ កម្លាំងចិត្ត និងពេលវេលាចូលរួមជួយការងារសហគមន៍ដើម្បីប្រយោជន៍រួមយ៉ាងដូច្នេះ៕
ទស្សនាវីដេអូសកម្មភាពកញ្ញា ម៉ារ៉ាឌី និងកញ្ញា ស្រីណេត ខាងក្រោម៖