នាព្រឹកថ្ងៃសុក្រ ទី ៦ ខែ ឧសភា ឆ្នាំ ២០២២នេះ លោក បែ មករា អគ្គលេខាធិការក្លិបបឹងកេត តាមរយៈក្រុមហ៊ុនធានារ៉ាប់រង AIA Cambodia បានដឹកនាំក្រុមការងារបច្ចេកទេស ជួបសំណេះសំណាលជាមួយនឹងតំណាងរបស់ក្លិបបាល់ទាត់ Tottenham Hotspur នៅកីឡដ្ឋានខេមបូឌាអ៊ែវ៉េ ។
កញ្ញា Shannon Moloney ជាគ្រូបង្វឹកផ្នែកអភិវឌ្ឍន៍អន្តរជាតិ និងលោកគ្រូ Jorome Baker គ្រូបង្វឹកបាល់ទាត់សកល របស់ក្រុមបាល់ទាត់ SPURS បានចែករំលែកនូវចំណេះដឹងអំពីការងារគ្រូបង្វឹក, អាហាររូបត្ថម្ភ និងចំណុចជាច្រើនថែមទៀត។
លោកអគ្គលេខាធិការ បែ មករា បាននិយាយថា៖«កិច្ចប្រជុំនេះគឺមានសារៈសំខាន់ណាស់សម្រាប់ពួកយើង ក៏ដូចជាការបង្ហាញឱ្យពួកគេបានដឹងអំពីផែនការ និងសកម្មភាពការងាររបស់បឹងកេត ពីថ្នាលយុវជន ដល់ក្រុមធំ ”ជាចុងក្រោយលោក សង្ឃឹមថា នៅថ្ងៃអនាគត គឺនឹងមានអ្វីថ្មី ហើយប្លែក និងច្រើនជាងនេះថែមទៀត ដែលយើងអាចធ្វើការជាមួយគ្នាបន្ថែមទៀត»៕