អាមេរិក – ភាពយន្ត «The Northman» បាមប្រើប្រាស់បច្ចេកវិទ្យាសាស្ត្រកុំព្យួទ័រក្រាហ្វិកដើម្បីពង្រីកប្រដាប់ភេទក្នុងឈុតឆាកតួអង្គប្រយុទ្ធគ្នាដើម្បីឲ្យរូបភាពដែលចេញមកមានលក្ខណៈស័ក្តិសមឥតខ្ចោះ។
យោងតាមការប្រាប់ពីអ្នកដឹក Robert Eggers បានឲ្យដឹងថាស្នាដៃថ្មីចុងក្រោយរបស់លោកបានប្រើប្រាស់ CG ដើម្បីពង្រីកប្រដាប់ភេទបុរសនៅក្នុងឆាកប្រយុទ្ធគ្នារវាងតួអង្គ Alexander Skarsgård និង Claes Bang ដោយហេតុផលថាការពារការរបួសអវយវៈសំខាន់ៗ។
អ្នកដឹកនាំបាននិយាយផលលំបាកផ្សេងៗក្នុងពេលថតភាពយន្តនេះ និងព្រមទទួលស្គាល់ថាឈុតឆាកខ្លះត្រូវពឹងផ្អែកលើ CG ឱ្យជួយដូចជាឈុតឆាកប្រយុទ្ធកាប់ដាវអាក្រាតកាយ អ្នកសម្ដែងត្រូវស្លៀកតែខោទ្រនាប់ប៉ុណ្ណោះ។
«យើងចាំបាច់ត្រូវប្រើប្រាស់ CG ដើម្បីបន្ថែមចំណុចខ្លះចូលទៅក្នុងនោះ ព្រោះពួកគេត្រូវស្លៀកតែខោស្លីបដូច្នេះគ្មានអ្នកណាចង់ឱ្យប្រដាប់ភេទខ្លួនឯងត្រូវគេកាប់ដាច់នោះទេ។ យើងចាំបាច់ត្រូវប្រើប្រាស់ CG ដើម្បីពង្រីកប្រដាប់ភេទរបស់តួសម្ដែងទៅក្នុងឈុតឆាកមួយចំនួន ដើម្បីកុំឱ្យតួសម្ដែងមើលទៅដូចជាតុក្កតាពេក ដូច្នេះយើងចាំបាច់ត្រូវតែធ្វើឱ្យវាចេញមកដូចពិតៗ ខ្ញុំជឿជាក់ថានឹងមានរូបភាព Scan របស់ពេញមួយតួខ្លួនរបស់ Alex នៅកន្លែងណាមួយជាក់ជាមិនខាន។»
ដូច្នេះហើយសម្រាប់អ្នកទស្សនាភាពយន្ត «The Northman» រួចហើយប្រសិនបើមើលឃើញប្រដាប់ភេទរបស់ Alexander នៅក្នុងឈុតឆាកកាប់ដាវនោះ សូមកុំយល់ច្រឡំថាជារបសើពិត តែជារបស់សិប្បនិម្មិតបង្កើតដោយបច្ចេកទេស CG ប៉ុណ្ណោះ៕
ที่มา: THR, BBC, Hollywoodreporter