អេដវីន៖ លោកស្រី ពាន់ ភួងបុប្ផា ដែលជាអ្នកដឹកនាំល្បីប្រដូចខ្លួនទៅនឹងគ្រាប់ពេជ្រធ្លាប់ធ្លាក់កប់ក្នុងភក់

នៅថ្ងៃទី៩ ខែឧសភា ឆ្នាំ២០២២នេះ អេដវីន បានបង្ហោះសារមួយបង្ហាញពីការដឹងគុណចំពោះទឹកចិត្តសណ្ដោសប្រណីដែលព្រឹទ្ធាចារ្យក្នុងវិស័យភាពយន្ត លោកស្រី ពាន់ ភួងបុប្ផា អាណិតស្រលាញ់ ព្រមទាំងផ្ដល់ឱកាសឱ្យខ្លួនបានបញ្ចេញសមត្ថភាពសម្ដែងឡើងវិញ ថែមទាំងប្រដូចខ្លួនទៅនឹងគ្រាប់ពេជ្រដែលមានពន្លឺចែងចាំង ទោះកប់ក្នុងភក់ ឱ្យតែយកមកដុសខាត់ឡើងវិញពេជ្រនោះនឹងបញ្ចេញពន្លឺជាក់ជាមិនខាន។

ប្រិយមិត្តមួយចំនួនបានដឹងហើយថាលោក យិត មាសឧស្សាហ៍ ហៅ អេដវីន ទទួលបានការផ្ដល់ឱកាសធំពីអ្នកស្រី ពាន់ ភួងបុប្ផា ជាព្រឹទ្ធាចារ្យចាស់ទុំមួយរូបក្នុងរង្វង់សិល្បៈឱ្យកាន់តំណែងជាតួឯកប្រុសក្នុងភាពយន្តខ្នាតធំថ្មីមួយគឺរឿង «ពេលម៉ែចាស់ទៅ»។ ការផ្ដល់ឱកាសពីចាស់ព្រឹទ្ធាចារ្យនៅក្នុងសង្គមសិល្បៈបែបនេះ គឺជាការបើកចំហទ្វារជួយឱ្យតារារូបនេះត្រលប់មកមានទីផ្សារនិងមានការចាប់អារម្មណ៍ច្រើនពីសាធារណជន និងផលិតកម្មនានាជាថ្មីផងដែរ។

នៅក្នុងសំណេររបស់អេដវីន ដែលបានបង្ហោះនៅលើបណ្ដាញទំនាក់ទំនងសង្គមភ្ជាប់អមជាមួយនឹងរូបភាពខ្លួននិងលោកស្រី ពាន់ ភួងបុប្ផា តារាសម្ដែងរូបនេះបានហៅលោកស្រីថាម៉ែ ហើយលើកឡើងថា អ្នកដឹកនាំល្បីរូបនេះបានប្រដូចខ្លួនទៅនឹងគ្រាប់ពេជ្រ ទោះជាធ្លាក់កប់ជ្រៅក្រោមទឹក ក្រោមភក់ប៉ុនណាក៏ដោយ ក៏ពេជ្រនៅតែមានពន្លឺចែងចាំមិនអាប់រស្មីឡើយ គ្រាន់តែត្រូវការកែច្នៃ និងដុសខាត់ឡើងវិញប៉ុណ្ណោះ។ អេដវីន ក៏ឆ្លៀតលើកទឹកចិត្តចំពោះអ្នកបរាជ័យ ជួបបញ្ហា ការឈឺចាប់ សូមកុំអស់សង្ឃឹម ហើយប្រាប់ខ្លួនឯងថា អ្នកនៅតែជាពេជ្រ ព្រោះពេជ្រមិនដែលក្លាយជាថ្មនោះឡើយ។

«#ម៉ែប្រាប់ថា : ពេជ្រនៅតែជាពេជ្យ ទោះបីជាពេជ្រនោះធ្លាក់កប់ជ្រៅក្រោមទឹក ក្រោមភក់ប៉ុនណាក៏ដោយ ពេជ្រនៅតែមានពន្លឺចែងចាំង វាមិនបានអាប់រស្មីនោះទេ គ្រាន់តែត្រូវការកែច្នៃ នឹងដុសខាត់ឡេីងវិញ នោះពេជ្រនឹងបញ្ចេញពន្លឺឡេីងវិញជាក់ជាមិនខាន។ បើអ្នកបរាជ័យ ជួបបញ្ហា ការឈឺចាប់ ចូរកុំអស់សង្ឃឹមណា ហេីយ ប្រាប់ខ្លួនឯងថា អ្នកនៅតែជាពេជ្រ។ ពេជ្រ មិនដែលក្លាយជាថ្ម ពេជ្រនៅតែជាពេជ្រ កុំខំប្រឹងលាក់ពន្លឺដ៏ភ្លឺចែងចាំងរបស់អ្នកពេកអី ត្រូវធ្វេីខ្លួនជាពេជ្យដែលគ្រប់គ្នាប្រាថ្នាចង់បានអ្នក ។ #ពេជ្រ ពីខ្ញុំ P’win»

អត្ថបទទាក់ទង៖

អត្ថបទពាក់ព័ន្ធ

ទាក់ទងគ្នា​៧ឆ្នាំ…​! ទីបំផុត​គូម៉ា ដាច់ចិត្ត​ដឹកដៃ​ស្រីស្រស់ ម៉ៅ គឹមធីតា ចូល​រោការ​តាម​ប្រពៃណីថ្ងៃ​នេះ​

ទាក់ទងគ្នា៧ឆ្នាំ…! ទីបំផុតគូម៉ា ដាច់ចិត្តដឹកដៃស្រីស្រស់ ម៉ៅ គឹមធីតា ចូលរោការតាមប្រពៃណីថ្ងៃនេះ