ភាគច្រើននៅក្នុងកម្មវិធីសម្ពោធបើកដំណើរការអ្វីថ្មីមិនថាក្រុមហ៊ុន អគារពាណិជ្ជកម្ម តែងតែមាននារីរូបស្រស់ពីររូបស្លៀកសំលៀកបំពាក់ប្រពៃណីឈរចាំកាន់ខ្សែបូរសងខាង ដើម្បីរង់ចាំឱ្យគណៈអធិបតីជាអ្នកកាត់ខ្សែបូរ។ ផ្ទុយគ្នាស្រឡះពីអ្វីដែលមហាជនធ្លាប់តែឃើញឡើងស៊ាំភ្នែក លោកស្រី ទ្រី ដាណា បែរជាជ្រើសរើសបុរសសង្ហាពីររូបគឺលោកព្រីន និងលោក យ៉ារ៉ូ មកឈរកាន់ខ្សែបូរក្នុងពិធីសម្ពោធអាគារពាណិជ្ជកម្ម NNP។ ហេតុអ្វីបានជាលោកស្រី ទ្រី ដាណា ជ្រើសរើសបុរសៗមកកាន់ខ្សែបូរ បែបនេះ?
ព្រីន បានពន្យល់មូលហេតុដែល លោកស្រី ទ្រី ដាណា អ្នកជំនួញគ្រឿងពេជ្រ និងផលិតផលអនឡាញដ៏ល្បីល្បាញជ្រើសរើសខ្លួនថា៖ «បងដាណា ប្រាប់ថា មូលហេតុដែលឲ្យពួកខ្ញុំទាំងពីរនាក់ជាបុរស កាន់ខ្សែរបូ គឺដោយសារពួកខ្ញុំនៅបរិសុទ្ធ និង តំណាងឲ្យសសរដ៏រឹងមាំ 
»
បន្ទាប់ពី Caption របស់លោកបានបង្ហោះចេញទៅឃើញមានអ្នកគាំទ្រមួយចំនួនបានចូលមកតបតនឹងអ្វីដែលលោកលើកឡើង ដោយមតិភាគច្រើនសុទ្ធតែមិនជឿថាលោកនៅបរិសុទ្ធនោះទេ។
«ខែនេះរន្ទះកាចណាស់idolកុំកហុកគេអី», «មិនជឿថាបងព្រីននៅបរិសុទ្ធទេ», «បើបងនៅបរិសុទ្ធលើលោកនេះគ្មានបុរសជាអស់ទេ» ទាំងអស់នេះសុទ្ធតែជាអ្វីដែលហ្វេនៗបានលើកឡើងក្រោយពេលបានឃើញសាររបស់ព្រីនបង្ហោះរួច៕
