តារាសម្ដែង លី ម៉ារីណា ទើបតែប្រកាសឱ្យមហាជនបានដឹងថា អ្នកនាងសម្រេចចិត្តផ្ដាច់ទំនាក់ទំនងជាមួយស្វាមីដែលមានឈ្មោះ សាត ចាន់ថន ហើយព្រមស្ពាយឈ្មោះជាអ្នកម៉េម៉ាយកូន ១។ តែនៅពេលថ្មីនេះ ស្រាប់តែតារាស្រីរូបនេះចេញមកទម្លាយទៀតថា អតីតស្វាមីខ្លួនបានលួចយកទ្រព្យសម្បត្តិមានតម្លៃ ហើយគេចខ្លួនបាត់មិនមានដំណឹង ដោយសារតែទប់លែងជប់ ទើបអ្នកនាងដាច់ចិត្តទម្លាយ។
សូមអាន៖ ក្រោយពីអ្នកនាង លី ម៉ារីណា បង្ហោះចែកផ្លូវគ្នាដោយសន្តិវិធី តែហេតុអ្វីស្វាមីបែរជាបង្ហោះបែបនេះ…?
យ៉ាងណាក្ដី អ្នកនាង លី ម៉ារីណា បានបង្ហោះសារនៅលើហ្វេសប៊ុករបស់អ្នកនាង នាថ្ងៃទី១៣ខែឧសភា ដោយប្រកាសស្វែងរកអតីតស្វាមីឈ្មោះ សាត ចាន់ថន ដែលអ្នកនាងចោទថា បានលួចយកទ្រព្យសម្បត្តិនិងគ្រឿងអលង្ការ និងលុយមួយចំនួនហើយគេចខ្លួននោះ សូមមេត្តាយកមកឱ្យអ្នកនាងវិញផង។
«នាងខ្ងុំសូមប្រកាស់ស្វែងរកលោកសាត ចាន់ថន ដែលបានលួចយកទ្រព្យសម្បត្តិគ្រឿងអលង្ការរបស់ខ្ងុំ នឹងលុយមួយចំនួនយកទៅហើយគេចខ្លួនបាត់ សូមលោកមេត្តាយកមកអោយខ្ងុំវិញផងព្រោះខ្ងុំទុកពលអោយលោកច្រើនថ្ងៃហើយ ទ្រព្យសម្បត្តិនឹងលុយជាកំលាំងញើសឈាមខ្ងុំ លោកមិនគួរធ្វើគំរូរមិនល្អចឹងបន្សល់ដល់កូនទេ ទោះជាបែកគ្នាក៏មិនត្រូវធ្វើសត្រូវនឹងគ្នាដែរទុកមុខរាប់គ្នាដើម្បីកូន សូមប្រគល់អ្វីដែលជារបស់ខ្ងុំអោយមកខ្ងុំវិញមក រយះដប់ឆ្នាំហើយលោកមិនដែលមើលថែខ្ងុំហើយចិញ្ចឹមខ្ងុំមួយសេនទេហេតុអីមកលួចរបស់ខ្ងុំអស់ពីខ្លួនចឹង រាល់ថ្ងៃខ្ងុំគ្មានកំលាំងចិត្តរកសុីតទៅទៀតទេ ចឹងសូមយកមកអោយខ្ងុំវិញមក ខ្ងុំត្រូវការចិញ្ចឹមកូនខ្ងំតទៅមុខទៀត សូមមិត្តភ័ត្តបងប្អូនដែលបានស្គាល់ជួយស៊ែរអោយគាត់ដឹងផង🙏🙏🙏 បើលោកមិនចង់បានរបស់ខ្ងុំទេហេតុអីមិនយកអោយខ្ងុំវិញចាំបាច់គេចខ្លួនបែបនេះ ខ្ងុំទុកឪកាសអោយលោកយូរដែរហើយក៏ព្រោះតែអាណិតកូន ។ សូមអធ្យាស្រ័យដល់បងប្អូនផងដែលនាងខ្ងុំបានប្រកាសតាមរយះសង្គម Fb បើមានផលប៉ះពាល់ដោយប្រការណាមួយសូមអភ័យទោសទុកជាមុន🙏🙏» ។ នេះជាសម្រង់ការបង្ហោះទាំងស្រុងនៅលើហ្វេសប៊ុករបស់តារាស្រីរូបនេះ។
ជាមួយគ្នានោះដែរ គេនៅចាំបានថា នៅលើហ្វេសប៊ុករបស់ សាត ចាន់ថន ធ្លាប់បង្ហើបថា នៅតែសោកស្ដាយសាច់សខ្ចីរបស់ម៉ារីណា ហេតុនេះហើយលោកចង់ឱ្យមានការផ្សះផ្សារស្នេហ៍ដូចដើមវិញ ប៉ុន្ដែម៉ារីណា មិនត្រឹមតែមិនបង្ហាញភ្លើងខៀវនោះទេ តែពេលនេះនាងបានចោទអតីតប្ដីថាលួចទ្រព្យនាងទៅយ៉ាងសន្ធឹកទៀតផង។ សារព័ត៌មានត្រយង កំពុងព្យាយាមសុំការបំភ្លឺពីអតីតស្វាមីរបស់អ្នកនាង លី ម៉ារីណា បន្ថែមពីបញ្ហានេះ៕
