កាលពីយប់មិញនេះអ្នកទស្សនាកម្មវិធីប្រកួតកម្រិតពិភពលោក Cambodia Idol រដូវកាលថ្មីនេះក្រៅពីមានបេក្ខជនចូលរួមប្រកួតមានសមត្ថភាពសំឡេងល្អហើយនោះវត្តមានអ្នកកំប្លែងពូកែវោហារសាស្ត្រលោកយាយយ៉យ មិនត្រឹមតែជាបង្អែមសំណើចនោះទេ ប៉ុន្តែអ្នកទស្សនាគ្រប់រូបទទួលស្គាល់ថាថ្វីត្បិតមានវ័យរាងជ្រេបន្តិចក្ដី ប៉ុន្តែទឹកដមសំឡេងរបស់យាយ យ៉យ នៅតែពីរោះមិនប្រែប្រួល។
ជាការពិតណាស់លោកយាយ យ៉យ គឺជាសិល្បការិនីអាយ៉ៃជើងចាស់ ដែលជាដៃគូដ៏ស៊ីសង្វាក់គ្នារបស់ព្រឹទ្ធាចារ្យអាយ៉ៃ ព្រហ្ម ម៉ាញ ដូច្នេះហើយសមត្ថភាពសិល្បៈរបស់យាយយ៉យ ពិតជាមិនធម្មតានោះឡើយ ទោះទម្រង់ណាបុរាណ ឬសម័យ លោកស្រីអាចធ្វើបានល្អឥតទាស់ត្រង់ណានោះឡើយ។
ពិសេសជាងនេះទៀតនៅពេលដែលវីដេអូនោះត្រូវបានកូនប្រុស នាយព្រែក កាត់យកមកបង្ហោះនៅលើផេករបស់គេ ធ្វើឱ្យមហាជនចូលទៅខមមិនសរសើរចំពោះទឹកដមសំឡេងលោកយាយ យ៉យ គ្រប់ៗគ្នា៖
«ម៉ែសំឡេងពីរោះណាស់ស្រឡាញ់ម៉ែពេញបេះដូង» , «ពីរោះណាស់អ្នកម្ដាយអើយ» , «ពិរោះណាស់អ្នកម្តាយអើយ
សើចរហូតា», «មិនដែលដឹងសោះគាត់ច្រៀងពិរោះណាស់»
ទស្សនាវីដេអូខាងក្រោមនេះ៖
