Dispatch គឺជាសារព័ត៌មានសិល្បៈដ៏ធំរបស់ប្រទេសកូរ៉េខាងត្បូង សារព័ត៌មាននេះបានកំពុងតែធ្វើឱ្យមហាជនមានការចាប់អារម្មណ៍ខ្លាំង ក្រោយគណនីផ្លូវការរបស់សារព័ត៌មាននេះបានផុសរូបវីដេអូតារាចម្រៀង G-Dragon ប៉ុន្តែបែរជាប្រើបទចម្រៀងខ្មែរ «ខ្ញុំជឿ» របស់តារាចម្រៀងខ្មែរ តន់ ចន្ទសីម៉ា ទៅវិញ។
កាលពីថ្ងៃទី១៦ ខែឧសភា គណនីផ្លូវការរបស់ Dispatch នៅលើបណ្ដាញសង្គម Tiktok បានផុសរូបភាព G- Dragon ខណៈកំពុងតែចុះពីរថយន្តដើម្បីស្វាគមន៍ភ្ញៀវ ប៉ុន្តែជាការចាប់អារម្មណ៍ស្រាប់តែសារព័ត៌មាននេះបែរជាប្រើបទចម្រៀង «ខ្ញុំជឿ» របស់តារាចម្រៀងខ្មែរ កញ្ញា តន់ ចន្ទសីម៉ា ផុសអមជាមួយនឹងវីដេអូនោះទៅវិញ។
ក្រោយវីដេអូនោះបានផុសចេញមានប្រិយមិត្តខ្មែរដែលជាអ្នកបណ្ដាញសង្គម Tiktok បានចូលទៅខមមិនយ៉ាងច្រើន ដោយមានខ្លះបានលើកឡើងថា៖ «ប្រហែលបង dispatch គាត់ចូលចិត្តបទនឹង គាត់មិនច្រឡំទេ», «បង dispatch គាត់កូនកាត់ខ្មែរមែន?» , «ស្មានតែទូរសព្ទគាំង» , «ខ្ញុំខំអូសចុះឡើងក្រែង Tiktok ខ្ញុំបាទគាំង តាមពិតគេដាក់បទនឹងមែន», «ស្មានតែ fake account តើ» ។ល។
ខាងលើនេះគឺជាការលើកឡើងខ្លះៗរបស់ហ្វេនៗដែលបានចូលទៅខមមិននៅខាងក្រោមវីដេអូនោះ ដកស្រង់ដោយសារព័ត៌មានត្រយង។ ប៉ុន្តបើតាមអ្នកជំនាញលើ Social Network បានសរុបសេចក្ដីករណីនេះថានេះគឺអាចជាយុទ្ធសាស្ត្រទីផ្សារ ព្រោះតែបទចម្រៀង «ខ្ញុំជឿ» នេះនៅលើ Tiktok ជាបទមានប្រជាប្រិយហើយមានអ្នកកាត់យកទៅប្រើច្រើនរហូតដល់ទៅជិត ២ពាន់វីដេអូ (១៨៦១) លើ tiktok ដូច្នេះទើប dispatch កាត់មកបទនេះមកផុស ព្រោះនឹងលោតចូលទៅក្នុងវីដេអូដែលមានប្រជាប្រិយ ហើយមានអ្នកទស្សនាឃើញច្រើន ដែលនឹងជួយធ្វើទីផ្សារលើអនឡាញសម្រាប់គេ។ បើប្រៀបជាមួយនឹងវីដេអូចម្រៀងដែល dispatch យកមកប្រើនោះបទខ្មែរមួយនេះមានចំនួនយកទៅលេងបន្តគ្នាច្រើនជាងបទផ្សេងៗដែល dispatch ធ្លាប់យកប្រើដាក់លើវីដេអូដែលខ្លួនផុស៕
សូមចុច Link ខាងក្រោមដើម្បីទស្សនាវីដេអូទាំងស្រុង៖
하차감 #gd #gdragon #bigbang #디스패치 #dispatch #dipe #공항패션 (tiktok.com)
