ក្រុមបាល់ទះបុរសក្នុងសាលរបស់ហ្វីលីពីន ដែលជាម្ចាស់មេដាយប្រាក់ឆ្នាំចាស់ ឈរចំណាត់ថ្នាក់លេខ៥ក្នុងព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម ឆ្នាំ២០២២ នេះ បានចូលរួមអបអរសាទរដល់ក្រុមកម្ពុជា ដែលឈ្នះមេដាយសំរឹទ្ធិជាលើកដំបូងក្នុងប្រវត្តិសាស្រ្តរបស់ខ្លួន។
ក្រោយកម្ពុជា យកឈ្នះថៃ ក្នុងវគ្គដណ្តើមមេដាយសំរឹទ្ធិ ៣សិតទល់២សិតនៅរសៀលថ្ងៃសៅរ៍ ម្សិលមិញនេះ ក្រុមហ្វីលីពីន បានបង្ហោះនៅលើបណ្ដាញ Twitter របស់ខ្លួនថា៖«Congrats Cambodia! Very deserve»។
GRABE TONG SEA GAMES MENS DIVISION DAMING UPSETS NA NANGYAYARE😭
— PH MEN’S NATIONAL VOLLEYBALL TEAM (@PHNMVT) May 21, 2022
Anyways, shot puno thailand! 🍻
And Congrats Cambodia! Very deserve!✊🏼
ក្រុមបាល់ទះហ្វីលីពីន បុរសបាន ធ្លាក់ចេញត្រឹមវគ្គជម្រុះតាមពូល ក្រោយចាញ់ក្រុមកម្ពុជា ៣សិតទល់១ សិតនៅថ្ងៃបើកឆាកពូល B ហើយបន្តចាញ់ថៃ ៣សិតទល់០។ ក្នុងនាមជាក្រុមលេខ៣ពូល B ហ្វីលីពីន បានប្រកួតឈ្នះម៉ាឡេស៊ី ក្នុងវគ្គគេចចេញពីចំណាត់ថ្នាក់លេខ៧ ដោយលទ្ធផល ៣សិតទល់០ និងបន្តឈ្នះមីយ៉ាន់ម៉ា ៣សិតទល់២សិត ក្នុងវគ្គដណ្តើមកៅអីលេខ៥។
ដូច្នេះចំណាត់ថ្នាក់បាល់ទះបុរសក្នុងព្រឹត្តិការណ៍កីឡាស៊ីហ្គេមលើកទី៣១នេះមាន៖
-មេដាយមាសនិងប្រាក់ រង់ចាំការប្រកួតរវាងវៀតណាម និងឥណ្ឌូណេស៊ី ម៉ោង៥ល្ងាចនេះ
-មេដាយសំរឹទ្ធិ បានមកកម្ពុជា
-លេខ៤ គឺថៃ
-លេខ៥ គឺហ្វីលីពីន
-លេខ៦ គឺមីយ៉ាន់ម៉ា
-លេខ៧ គឺម៉ាឡេស៊ី