ថៃ – Engfa Waraha ម្ចាស់តំណែង Miss Grand Thailand ឆ្នាំ២០២២ នេះមានការអភិវឌ្ឍសម្រស់ដែលមើលទៅកាន់តែសិចស៊ីជាងមុន ហើយបើចង់ដឹងថាតើសម្រស់នាងប្រែប្រួលកម្រិតណា អាចទៅតាមដានមើលរូបភាពពីអតីតកាលរហូតដល់បច្ចុប្បន្ននេះបាន។
តាមរយៈសារព័ត៌មាន Kapook បានសរសេរថា Engfa (អ៊ិងហ្វា) អាចចាត់ទុកថាជាស្រីស្អាតមួយរូបត្រូវបានអ្នកផងកោតសរសើរព្រោះនារីម្នាក់នេះបានបង្ហាញឱ្យសាធារណជនបានឃើញថាពីសម្រស់ដែលកាន់តែស្អាតប្លែក ទស្សនគតិ និងការឆ្លើយតបសំនួរព្រមទាំងនឹងការច្រៀងចម្រៀងនិងការរាំ រហូតឆក់បានដួងចិត្តអ្នកទស្សនានិងគណៈកម្មាការរហូតស្រវ៉ាបានតំណែងជាម្ចាស់មកុដ Miss Grand Thailand 2022 នេះ។
សម្រាប់អតីតបេក្ខភាពប្រកួត The Voice Thailand 2018 រូបនេះ បានវិវត្តន៍សមត្ថភាពពិសេសសម្រស់ដែលអាចនិយាយបានថាកាន់តែមើលទៅទាក់ទាញខ្លាំងឡើងជាលំដាប់មិនថាមុខមាត់និងរូបរាង រហូតមានមហាជនជាច្រើនកើតចម្ងល់ថាតើ Engfa បានកែសម្ផស្សត្រង់ណាខ្លះ ផ្លាស់ប្ដូរពីមុនបែបណាខ្លះ?
សម្រាប់រឿងនេះសាមីខ្លួន Engfa មិនបានលាក់លៀមឡើយនាងបានបង្ហើបអាថ៌កំបាងនៃសម្រស់នេះតាមរយៈឆាណែលយូធូបផ្ទាល់ខ្លួនថា៖ នាងបានឆ្លងកាត់ការវះកាត់កែសម្ផស្សពីកាំបិតពេទ្យ ដោយចាប់ផ្ដើមឡើងពីការធ្វើត្របកភ្នែកពីរជាន់ ព្រោះត្របកភ្នែកមិនស្មើគ្នា ក្រោយធ្វើហើយជួយឱ្យភ្នែកមើលទៅកាន់តែស្រទន់ មុខកាន់តែគួរឱ្យចង់គយគន់។ ក្រៅពីនេះនាងបានហោះទៅប្រទេសកូរ៉េ ដោយចាប់ផ្ដើមធ្វើច្រមុះឱ្យកាន់តែស្អាតជាងមុន បូមប៊ឿក កំចាត់ខ្លាញ់ និងរឹតបន្តឹងស្បែកមុខ ធ្វើឱ្យមុខកាន់តែមានរាង V ជាងមុន។ ក្រៅពីនេះនាងបានវះកែដើមទ្រូងបន្ថែមខ្នាត 320 C.C ដោយសាមីខ្លួនឱ្យហេតុផលថាទោះជាមានដើមទ្រូងស្រាប់ក្ដី តែមិនសូវតឹងណែនស្អាត ដូច្នេះទើបឱ្យគ្រូពេទ្យជួយកែឱ្យស្អាតនិងតឹងណែនជាងមុន។ Engfa ក៏បញ្ជាក់ដែរថាកាលដែលនាងសម្រេចចិត្តកែសម្រស់ព្រោះចង់ឱ្យខ្លួនឯងកាន់តែមានទំនុកចិត្ត និងមានសម្រស់ស្អាតបំផុតក្នុងជាតិនេះ ហើយបើទោះជាត្រូវគេមើលមកថាស្អាតព្រោះកែសម្ផស្ស ប៉ុន្តែទឹកចិត្តនាងគិតថានោះគឺជាភាពស្រស់ស្អាតផ្ទាល់ខ្លួនប៉ុណ្ណោះ។
ទស្សនារូបភាពមុននិងក្រោយវះកាត់កែសម្ផស្សរបស់ Engfa ខាងក្រោមនេះ៖