តារាចម្រៀង Rapper លោក ជី ដេវីត បានចេញមកសម្ដែងអារម្មណ៍ខឹងក្ដៅក្រហាយលើបណ្ដាញទំនាក់ទំនងសង្គមចំពោះលោក ចាដេត ដែលជាតួឯកប្រុសក្នុងបទចម្រៀងថ្មី (ម្ចាស់ក្សត្រី) របស់កញ្ញា ទេព បូព្រឹក្ស។
បទចម្រៀងថ្មីម្ចាស់ក្សត្រី (Queen) របស់កញ្ញា ទេព បូព្រឹក្ស បានផុសនៅលើ Youtube នាថ្ងៃទី២៥ ខែឧសភា ឆ្នាំ២០២២ ហើយទទួលបានការគាំទ្រយ៉ាងច្រើនពីអ្នកគាំទ្រ។ បទចម្រៀងចង្វាក់សប្បាយៗម្ចាស់ក្សត្រីនេះក៏មានការចូលរួមសម្ដែងដោយប្រុសស្អាត ចាដេត តារាសម្ដែងរូបសង្ហាដើរជាតួឯកប្រុសផងដែរ។
យ៉ាងណាមិញហ្វេនកាន់តែមានការចាប់អារម្មណ៍ច្រើនថែមទៀតនៅពេលដែលតួឯកប្រុសក្នុងជីវិតពិតរបស់កញ្ញា ទេព បូព្រឹក្ស គឺលោក ជី ដេវីត ស្រាប់តែចេញមកបញ្ចេញកំហឹងលើហ្វេសប៊ុកដោយលើកឡើងថា៖«ស្រលាញ់បទហ្នឹងតែស្អប់តួប្រុស»។
មតិរបស់លោក ជី ដេវីត នេះត្រូវបានអ្នកគាំទ្រលើកឡើងឆ្លើយតបទៅនឹងការលើកឡើងរបស់តួឯកប្រុសក្នុងជីវិតពិតថា៖ «ច្រណែនគេមិនមែនជាខ្ញុំ», «តួប្រុសស្អាតសាឡប់ ហេីយខ្ចីញិចទៀត ស្រីស្អាតគូជាមួយប្រុសក្មេងចឹងហេីយ», «ចុកណាស់បងវីតអើយ», «ស្ដាយអត់មានឈុតថើបអាយដល», «តួប្រុសគេឡើងសង្ហា ហើយក្មេងទៀត ហើយថាស្អប់គេចឹងបង»
មិនត្រឹមតែហ្វេននោះទេដែលចូលមកឆ្លើយតបនិងលលេងនឹងអ្វីដែល ជី ដេវីត បានលើកឡើង ព្រោះសូម្បីតែលោក ជា វណ្ណារិទ្ធិ ក៏បានចូលមកខមមិនដែរថា៖ «តួប្រុសសម្តែងធម្មជាតិបានល្អ មេីលអត់ដឹងថា សង្សារតួស្រីកំពុងដឹកទេ»
ការពិតទៅអ្វីដែល ជី ដេវីត លើកឡើងនេះ វាអាចគ្រាន់តែជាការបង្ហោះដើម្បីប្រូម៉ូតឬធ្វើ PR ឱ្យបទចម្រៀងថ្មីរបស់កញ្ញា ទេព បូព្រឹក្ស ដែលទើបនឹងបង្ហោះចែកឱ្យអ្នកគាំទ្របានស្ដាប់កម្សាន្តប៉ុណ្ណោះ មិនមែនខឹងសម្បារបែបប្រាកដប្រជាអ្វីនោះឡើយ។
