ក្រុមបាល់ទាត់ជម្រើសជាតិឥណ្ឌា បានប្រកួតមិត្តភាពអន្តរជាតិកម្តៅសាច់ដុំ ចាញ់ក្រុមជម្រើសជាតិហ៊្សកដានី ក្នុងលទ្ធផល ២-០ នៅកីឡដ្ឋាន Qatar SC ក្នុងទីក្រុង Doha ប្រទេសកាតា នៅថ្ងៃទី២៨ ខែឧសភា កន្លងទៅនេះ។
ឥណ្ឌា នឹងធ្វើជាម្ចាស់ផ្ទះក្នុងពូល D នៃវគ្គជម្រុះជើងឯកប្រចាំទ្វីបអាស៊ី 2023 AFC Asian Cup ជុំទី៣ ទទួលក្រុមជម្រើសជាតិកម្ពុជា ហុងកុង និងអាហ្វហ្គានីស្ថាន នៅដើមខែមិថុនា។ នេះជាការត្រៀមខ្លួនរបស់ឥណ្ឌា ដោយមានការប្រកួតក្រៅផ្លូវការ ជាមួយក្រុមក្នុងស្រុកជាច្រើនផងដែរ មុនទៅបោះជម្រុះហ្វឹកហាត់នៅប្រទេសកាតារ។
បើតាមការបញ្ជាក់ថារបស់សហព័ន្ធកីឡាបាល់ទាត់ឥណ្ឌា ខ្លួននឹងជ្រើសរើសកីឡដ្ឋាន Vivekananda Yuba Bharati Krirangan ក្នុងទីក្រុង Kolkata ធ្វើជាទឹកដីទទួលក្រុមភ្ញៀវសម្រាប់ការប្រកួតជម្រុះពូល D នេះ។
កាលបរិច្ឆេទវគ្គជម្រុះជើងឯកប្រចាំទ្វីប៖
– ប្រកួតទី១ ថ្ងៃទី០៨ មិថុនា ២០២២ ឥណ្ឌា ប៉ះ កម្ពុជា
– ប្រកួតទី២ ថ្ងៃទី១១ មិថុនា ២០២២ ឥណ្ឌា ប៉ះ អាហ្វហ្គានីស្ថាន
– ប្រកួតទី៣ ថ្ងៃទី១៤ មិថុនា ២០២២ ឥណ្ឌា ប៉ះ ហុងកុង៕