កញ្ញា អ៊ឹង និមល បានប្រឡូកសិល្បៈជាយូរឆ្នាំមកហើយ និងបានប្រឡូកការសម្ដែងជាច្រើនដែរ ក៏ប៉ុន្ដែកញ្ញា សារភាពថា សម្រាប់រឿងភាគខ្មែរ «រសជាតិអ្នកមាន វគ្គ៣» គឺជារឿងដែលខ្លួនហ៊ានលះបង់សម្ដែងឈុតឆាកមិនធ្លាប់សម្ដែង។
នៅក្នុងរឿងភាគ «រសជាតិអ្នកមាន វគ្គ៣» ត្រូវសម្ដែងជានារីម្នាក់ដែលបញ្ចប់ការសិក្សារខ្ពស់ ប៉ុន្តែជាជាផុងខ្លួនក្នុងរឿងស្នេហាជាមួយលោកឧកញ៉ា។ កញ្ញាត្រូវអ្នកដឹកនាំរឿងតម្រូវឱ្យសម្ដែងឈុតឆាក ផឹកស្រា ជក់បារីពិតៗ និងមានឈុតស្នេហារោលរាលជាមួយតួឧកញ៉ា ដែលជាការសម្ដែងដ៏លំបាកសម្រាប់កញ្ញា ព្រោះកញ្ញាមិនធ្លាប់ជួបការសម្ដែងបែបនេះពីមុនមក។
សូមជម្រាបថា រឿងភាគ «រសជាតិអ្នកមាន វគ្គ ៣» នឹងមានបញ្ចាំងនៅលើកញ្ចក់ទូរទស្សន៍ PNN និង Premiere នៅ Facebook Page PNN Drama Live រៀងរាល់ថ្ងៃ ចន្ទ ដល់ ព្រហស្បតិ៍ វេលាម៉ោង ៨ យប់ ៕
សូមទស្សនាបទសម្ភាសន៍របស់កញ្ញា អ៊ឹង និមល រៀបរាប់ពីបទពិសោធន៍ក្នុងការសម្ដែងរឿងភាគនេះ ៖