ខ្សែការពារកណ្តាលជម្រើសជាតិឥណ្ឌូនេស៊ី Elkan Baggott យល់ព្រមបន្តកិច្ចសន្យាថ្មី៣ឆ្នាំបន្ថែមទៀតជាមួយក្រុម Ipswich Town សមាជិក League One លីគលំដាប់ទី៣ របស់ប្រទេសអង់គ្លេស។
Elkan Baggott កើតនៅទីក្រុងបាងកក ប្រទេសថៃ ប៉ុន្តែរូបគេធំធាត់ឡើងនៅប្រទេសអង់គ្លេស ហើយមូលហេតុលេងតំណាងឲ្យក្រុមជម្រើសជាតិឥណ្ឌូនេស៊ី ដោយសារតែម្តាយ Elkan ជាជនជាតិឥណ្ឌូនេស៊ី។
ក្រោមការដឹកនាំរបស់លោក Kieran McKenna ខ្សែការពារវ័យ១៩ឆ្នាំ និងកម្ពស់១.៩៤ម៉ែត្ររូបនេះ អាចបង្ហាញខ្លួនលើកដំបូងក្នុងលីគសម្រាប់ Ipswich Town នៅក្នុងការប្រកួតក្រៅដីជាមួយ Rotherham ក្នុងខែមេសាឆ្នាំ២០២២ ហើយបានក្លាយជាជនជាតិឥណ្ឌូនេស៊ីដំបូងគេដែលបានលេងនៅក្នុងលីគបាល់ទាត់អង់គ្លេស៕