ក្រុមជម្រើសជាតិនារីកម្ពុជា ក្រោមការដឹកនាំរបស់លោក ប្រាក់ វុទ្ធី បានចែកពិន្ទុគ្នាជាមួយឡាវ ក្រោយបញ្ចប់លទ្ធផល៩០នាទីពេញទៅ ១-១ នៅកីឡដ្ឋាន BINAN ប្រទេសហ្វីលីពីន ពានរង្វាន់ AFF Women’s Championship 2022។
ក្រោយចប់ការប្រកួតលោកស្រី ពុធ ធីតា បានបញ្ជាក់លើហ្វេសប៊ុកលោកស្រីថា៖«លើកទី១ហើយដែលយើងបានស្មើជាមួយឡាវ នឹងមិនធ្លាប់ស៊ុតចូលសូម្បីតែមួយគ្រាប់នឹងត្រូវគេស៊ុតចូលជាច្រើនគ្រាប់ថែមទៀត ពីព្រោះបាល់ទាត់នារីរបស់ឡាវគឺជាក្រុមខ្លាំងមួយដែរក្នុងតំបន់»។
ប្រធានក្លិបជាស្រ្តីម្នាក់ក្នុងចំណោម២នាក់ដែលកំពុងឈរជើងក្នុងពានរង្វាន់លីគកំពូលកម្ពុជា បន្តថា៖«ក្រុមនារីយើង នឹងក្រុមការងារទាំងមូលពិតជាប្រឹងប្រែងណាស់សូមកោតសរសើរដោយស្មោះស៊ូនឹងប្រឹងបន្តទៀត យើងនឹងត្រូវជួបក្រុមខ្លាំងនារីវៀតណាមនៅថ្ងៃទី៧ នេះហើយ នឹងសូមថ្លែងអំណរគុណដល់ អ្នកគាំទ្រយើងទាំងអស់គ្នាផងដែរ ដែលបានចូលមើលការឡាយច្រើនមែនទែនអាចថាជាប្រវត្តិសាស្រ្តបាល់ទាត់នារីដែលមានអ្នកគាំទ្រដ៍ច្រើនដូចនេះទាំងអស់គ្នាដើម្បីកម្ពុជា កម្ពុជាស៊ូៗ កម្ពុជាឈ្នះៗ២»៕