នៅព្រឹកថ្ងៃទី១២ ខែកក្កដា ឆ្នាំ២០២២ ក្លិបបាល់ទាត់ Tiffy Army FC បានប្រកាសនាំចូលខ្សែបម្រើជនជាតិជប៉ុន Daisuke Kobayashi អតីតកីឡាករភ្នំពេញក្រោន និងព្រះខ័នរាជស្វាយរៀង។
កីឡាករសញ្ជាតិជប៉ុន វ័យ២៩ឆ្នាំ និងកម្ពស់១.៧២ម៉ែត្ររូបនេះ បានចាកចេញពីក្រុមព្រះខ័នរាជស្វាយរៀង ក្រោយចប់រដូវកាល ២០២១ ហើយបន្តចូលរួមជាមួយភ្នំពេញក្រោន នៅថ្ងៃទី២៦ ខែមីនា ឆ្នាំ២០២២ ជំនួសទីតាំងមិត្តរួមជាតិរបស់គេ Yudai Ogawa ដែលមានបញ្ហារបួសពោះវៀន ហើយត្រូវត្រឡប់ទៅវះកាត់ និងព្យាបាល៕
លុះចប់ជុំទី១ នៃពានរង្វាន់ Cambodian Premier League រដូវកាល ២០២២ Daisuke Kobayashi ក៏បានចាកចេញពីក្រុមបាល់ទាត់ភ្នំពេញក្រោន ក្រោយចូលរួមបានត្រឹមតែ៥៩ថ្ងៃប៉ុណ្ណោះ៕
