នៅរសៀលថ្ងៃទី១២ ខែកក្កដា ឆ្នាំ២០២២ ក្លិបបាល់ទាត់វិសាខា បានប្រកាសនាំចូលខ្សែការពារ Seon Fabian Errol Power ក្នុងលក្ខខណ្ឌខ្ចីជើងរហូតចប់រដូវកាល ២០២២ ពីក្លិបបាល់ទាត់ខេត្តព្រៃវែង។
គួរដឹងថា Seon Power គឺជាអតីតសមាជិកក្រុមជម្រើសជាតិទ្រីនីដាតនិងតូបាហ្គោ លេងក្នុងតំបន់ខ្សែការពារ កម្ពស់១,៩០ម៉ែត្រ បច្ចុប្បន្នមានវ័យ៣៨ឆ្នាំ។
មុនចូលរួមជាមួយក្លិបបាល់ទាត់ខេត្តព្រៃវែង Power ធ្លាប់លេងឲ្យក្លិប Chainat Hornbill សមាជិកលីគកំពូលថៃ ចន្លោះឆ្នាំ២០១៣ ដល់២០១៥ ហើយនៅឆ្នាំ២០១៦ គេផ្ទេរទៅលេងក្រុមPhuket និងបន្តទៅក្រុម Central FC នៅឆ្នាំ២០១៧ ហើយនៅឆ្នាំ ២០១៨ រូបគេផ្ទេរទៅលេងនៅក្រុម Ulaanbaatar City FC លីគកំពូលប្រទេសម៉ុងហ្គោលី ហើយនៅឆ្នាំ២០១៩ ត្រឡប់ទៅប្រទេសថៃ វិញចូលរួមជាមួយក្រុម Krabi និង Nara United និងចុងក្រោយចូលរួមក្នុងក្រុម Banbueng FC៕