កន្លងមក តារាចម្រៀង សាយ ឬ Sai បានប្រមូលថវិកាជាង ៤៧ម៉ឺនដុល្លារ ដើម្បីជួយកុមារកម្ពុជា តាមរយៈព្រឹត្តិការណ៍ដ៏ធំមួយដែលមានឈ្មោះថា «រត់ដើម្បីសប្បុរសធម៌ជាមួយសាយ»។ លើកមុននេះ សាយ រត់ចំនួន ៩៧ ថ្ងៃ មានចម្ងាយផ្លូវសរុប ២ ៤០៨ គីឡូម៉ែត្រ ។
ថ្មីៗនេះតារាចម្រៀងបានបង្ហើបតម្រុយថា នៅពេលនេះ រាងកាយរបស់លោកបានវិលមកសភាពដើម និងប្រសើរហើយ លោកថែមទាំងមានបំណងចិត្តចង់ឱ្យព្រឹត្តិការណ៍ជួយសង្គមមួយនេះបានកើតឡើងវិញ។
សាយ រៀបរាប់ថា ៖ «រាងកាយខ្ញុំជាមកវិញក្នុងកម្រិតដែលអាចជាប្រយោជន៍ដល់សង្គមម្ដងទៀតហើយ ដូច្នេះចង់សួរយោបល់អ្នករាល់គ្នាដើម្បីធ្វើការសម្រេចចិត្ត ហើយក៏សង្ឃឹមថានឹងមានការចូលរួមពីអ្នករាល់គ្នា»។
ការបង្ហោះនេះគេសង្គេតឃើញថា មានអ្នកគាំទ្រសម្ដីលោកច្រើនយ៉ាងភ្លូកទឹកភ្លូកដី និងចង់ឱ្យលោកធ្វើប្រព្រឹត្តិការណ៍នេះម្ដងទៀត៕
