កីឡាករ នង គ្រឹះស្នា ដណ្តើមបានមេដាយមាស១គ្រឿងដែលជាមេដាយមាសដំបូងជូនកម្ពុជា លើវិញ្ញាសាកីឡា Jiu jitsu បុរសអាយុ ៤០ឆ្នាំឡើង ក្នុងប្រភេទទម្ងន់ក្រោម៧៤គីឡូក្រាម ក្នុងព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក លើកទី១៩ ឆ្នាំ២០២២ (The 19th World Police and Fire Games) នៅទីក្រុង Rotterdam ប្រទេសហុល្លង់។
កម្ពុជា បានបញ្ជូនកីឡាករទៅប្រកួតលើកនេះចំនួន៦ប្រភេទរួមមាន តេក្វាន់ដូ WT, វាយសី, វាយកូនឃ្លីលើតុ, ចំបាប់, យូដូ និងការ៉ាតេ ហើយការប្រកួតក្នុងព្រឹត្តិការណ៍នេះធ្វើឡើងចាប់ពីថ្ងៃទី២២ ដល់៣១ ខែកក្កដា ឆ្នាំ២០២២។
កីឡាករចំនួន៦២ប្រភេទត្រូវបានសហព័ន្ធកីឡា World Police and Fire Games ឱ្យប្រកួតប្រជែងនៅឆ្នាំ២០២២ នេះខណៈកីឡាសម្រាប់កងកម្លាំងនេះរៀបចំរាល់២ឆ្នាំម្តងគិតពីឆ្នាំ១៩៨៥ ហើយនៅឆ្នាំ២០២៣ នឹងធ្វើនៅទីក្រុង Winnipeg ប្រទេសកាណាដា និងឆ្នាំ២០២៥ គ្រោងធ្វើនៅទីក្រុង Birmingham ប្រទេសអាមេរិក៕