ខេត្តព្រះសីហនុ÷ សម្លេងបាញ់គ្នាចំនួន៣គ្រាប់ បណ្តាលឲ្យមានជនជាតិចិន ២នាក់ស្លាប់ និងម្នាក់របួស នៅក្នុងកាស៉ីណូមួយកន្លែង ដែលមានស្លាកយីហោ តុងហ្វាង ប៉ាលីរិន កាលម៉ោង១១និង២០នាទីយប់ ថ្ងៃទី៣០ ខែកក្កដាឆ្នាំ២០២២ ស្ថិតនៅជិតមហោស្រពចាស់ ក្នុងសង្កាត់លេខ២ ក្រុងព្រះសីហនុ ។
ក្រោយកើតហេតុភ្លាមភ្លាមៗគេបានឃើញសមត្ថកិច្ចចម្រុះបានចុះទៅដល់ទីតាំងកើតហេតុនិងបាន កំពុងតែបើកការស្រាវជ្រាវ ស្វែងរកមូលហេតុនៃការផ្ទុះអាវុធ និងវែកមុខខ្មាន់កាំភ្លើង ដើម្បីយកមកដាក់ទោសទៅតាមនីតិវិធីច្បាប់ផងដែរ។
ទាក់ទិនទៅនឹងករណីនេះផងដែរលោកវរសេនីយ៍ឯក តី វិសាល អធិការក្រុងព្រះសីហនុបានគូសបញ្ជាក់ថា ករណីផ្ទុះអាវុធនេះបានបង្កឱ្យជនជាតិចិនចំនួន 2 នាក់បានបាត់បង់ជីវិតនៅកន្លែងកើតហេតុហេតុ និងពុំមានអ្នករងរបួសនោះទេបច្ចុប្បន្នសមត្ថកិច្ចកំពុងបើកការស្រាវជ្រាវនឹងស៊ើបអង្កេតដើម្បីតាមចាប់ខ្លួនជនបង្ក។
ដោយឡែកបើយោងតាមប្រភពពីសាក្សីនៅបែរកន្លែងកើតហេតុនៅលាម៉ោងកើតហេតុខាងលើមានករណីផ្ទុះអាវុធមួយកើតឡើង បង្កដោយជនមិនស្គាល់អត្តសញ្ញាណ បានធ្វើសកម្មភាពប្រេីប្រាសអាវុធ(កាំភ្លើង) បាញ់ទៅលេីជនជាតិចិនចំនួន ០៣នាក់បណ្តាលឱ្យ ជនជាតិចិន ចំនួន០២នាក់ បានស្លាប់ និងជនជាតិចិនម្នាក់ទៀតត្រូវរបួស។ ប្រភពដដែលបានបញ្ជាក់បើយោងតាមនិយាយតៗគ្នាពីបុគ្គលិកក្នុងកាស៊ីណូដែលបានឃើញហេតុការណ៍បាននិយាយថា ករណីនេះកើតឡើងដោយសាររជម្លោះរឿងជំពាក់លុយរវាងជនរងគ្រោះនិងជនបង្ករហូតឈានដល់ការបាញ់បោះនេះតែម្តង៕
អត្ថបទ÷ក្រុងព្រះហនុ