ក្នុងគោលដៅត្រៀមខ្លួនសម្រាប់ការប្រកួត SEA GAMES 2023 ខាងមុខនេះ ក្រុមជម្រេីសជាតិកម្ពុជាអាយុក្រោយ ២៣ឆ្នាំ ណាត់ក្រុមជម្រេីសជាតិជប៉ុនអាយុក្រោម ២៣ឆ្នាំ ប្រកួតមិត្តភាពនៅថ្ងៃទី២០ ខែកញ្ញា ឆ្នាំ២០២២ ក្នុងទឹកដីពហុកីឡដ្ឋានជាតិមរតកតេជោ។
ខណ:នៅថ្ងៃ FIFA Day ក្រុមជម្រើសជាតិកម្ពុជាឈុតធំ នឹងប្រកួតមិត្តភាពអន្តរជាតិ «MinebeaMitsumi» ទល់នឹង ក្រុមជម្រើសជាតិឈុតធំបង់ក្លាដែស ដែលនឹងធ្វើនៅពហុកីឡដ្ឋានមរតកតេជោ នៅថ្ងៃទី២២ ខែកញ្ញា ឆ្នាំ២០២២។
ចំណាត់ថ្នាក់ FIFA Ranking របស់ក្រុមទាំង២៖
– គោព្រៃកម្ពុជា ឈរលេខរៀងទី១៧៤
– បង់ក្លាដែស ឈរលេខរៀងទី១៩២។
ជំនួប៤លើកចុងក្រោយកម្ពុជា មិនដែលឈ្នះ បង់ក្លាដែស ពោលគឺចាញ់៣ និងស្មើ១លើក៖
– ថ្ងៃទី០១ ខែមេសា ឆ្នាំ២០០៦ បង់ក្លាដែស ២-១ កម្ពុជា ពាន AFC Challenge Cup
– ថ្ងៃទី២២ ខែសីហា ឆ្នាំ២០០៧ បង់ក្លាដែស ១-១ កម្ពុជា ពាន Nehru Cup
– ថ្ងៃទី២៦ ខែមេសា ឆ្នាំ២០០៩ បង់ក្លាដែស ១-០ កម្ពុជា ការប្រកួតមិត្តភាពអន្តរជាតិ
– ថ្ងៃទី០៩ ខែមីនា ឆ្នាំ២០១៩ កម្ពុជា ០-១ បង់ក្លាដែស ការប្រកួតមិត្តភាពអន្តរជាតិ៕
